ന്യൂഡൽഹി : പാകിസ്താൻ വിദേശകാര്യ മന്ത്രി ബിലാവൽ ഭൂട്ടോ ഇന്ത്യയിലേക്ക്. മെയിൽ ഗോവയിൽ നടക്കുന്ന എസ് സി ഒ ഉച്ചകോടിയിൽ പങ്കെടുക്കാനാണ് ഭൂട്ടോ എത്തുന്നത്.
മെയ് 4, 5 എന്നീ തീയതികളിലാണ് യോഗം നടക്കുന്നത്. 2014 ൽ അന്നത്തെ പാക് പ്രധാനമന്ത്രി നവാസ് ഷെരീഫ് ഇന്ത്യ സന്ദർശിച്ചതിന് ശേഷം ഇതാദ്യമായാണ് മറ്റൊരു പാക് നേതാവ് രാജ്യത്തെത്തുന്നത്. 2011 ന് ഇന്ത്യ സന്ദർശിക്കുന്ന ആദ്യത്തെ പാക് വിദേശകാര്യ മന്ത്രി കൂടിയായിരിക്കും ബിലാവൽ ഭൂട്ടോ.
നേരത്തെ ഷാങ്ഹായ് കോർപറേഷൻ ഓർഗനൈസേഷനിൽ പങ്കെടുക്കാൻ ക്ഷണം ലഭിച്ചതായി പാക് വിദേശകാര്യ മന്ത്രി അറിയിച്ചിരുന്നു. എന്നാൽ ഇത് സംബന്ധിച്ച് അന്തിമ തീരുമാനം വ്യക്തമാക്കിയിരുന്നില്ല. ഇപ്പോഴാണ് ഇന്ത്യയിലേക്ക് വരാനുള്ള സന്നദ്ധത പാക് മന്ത്രി അറിയിച്ചത്.
2001 ജൂണിൽ ഷാങ്ഹായിൽ ആരംഭിച്ച എസ്സിഒയിൽ ആറ് സ്ഥാപക അംഗങ്ങളായ ചൈന, കസാക്കിസ്ഥാൻ, കിർഗിസ്ഥാൻ, റഷ്യ, താജിക്കിസ്ഥാൻ, ഉസ്ബെക്കിസ്ഥാൻ എന്നിവയുൾപ്പെടെ എട്ട് അംഗങ്ങൾ ഉൾപ്പെടുന്നു. 2017ൽ ഇന്ത്യയും പാക്കിസ്താനും ഇതിൽ ചേർന്നു.
Discussion about this post