ന്യൂഡൽഹി: രാജ്യത്തെ കൊവിഡ് കേസുകളിൽ വൻ വർദ്ധനവ്. കഴിഞ്ഞ 24 മണിക്കൂറിൽ 12,193 പേർക്ക് കൊവിഡ് സ്ഥിരീകരിച്ചു. കഴിഞ്ഞ ദിവസത്തേക്കാൾ 4 ശതമാനമാണ് വർദ്ധന. ഇതോടെ രാജ്യത്ത് ആകെ കൊവിഡ് ബാധിച്ച് ചികിത്സയിലുള്ളവരുടെ എണ്ണം 67,556 ആയി ഉയർന്നു.
കേരളത്തിൽ റിപ്പോർട്ട് ചെയ്ത 10 മരണങ്ങൾ ഉൾപ്പെടെ രാജ്യത്തെ ആകെ കൊവിഡ് മരണങ്ങളുടെ എണ്ണം 5,31,300 ആയി. രാജ്യത്ത് ഇതുവരെ ആകെ കൊവിഡ് ബാധിച്ചിരിക്കുന്നത് 4,48,81,877 പേർക്കാണ്. എന്നാൽ രോഗമുക്തി നിരക്ക് 98.66 ശതമാനമാണെന്നും കേന്ദ്ര ആരോഗ്യ മന്ത്രാലയം വ്യക്തമാക്കുന്നു.
നിലവിൽ 1.18 ശതമാനമാണ് രാജ്യത്തെ കൊവിഡ് മരണ നിരക്ക്. ആകെ 4,42,83,021 പേർ കൊവിഡിൽ നിന്നും മുക്തി നേടി.
രാജ്യത്ത് ഇതേവരെ 220.66 ഡോസ് കൊവിഡ് വാക്സിനുകൾ വിതരണം ചെയ്തതായും കേന്ദ്ര ആരോഗ്യ മന്ത്രാലയം വ്യക്തമാക്കുന്നു.
Discussion about this post