ന്യൂഡൽഹി: ‘ദ കേരള സ്റ്റോറി’ സിനിമയുടെ പ്രദർശനം തടയണമെന്നാവശ്യപ്പെട്ട് സുപ്രീംകോടതിയിൽ അപേക്ഷ. വിദ്വേഷ പ്രസംഗവുമായി ബന്ധപ്പെട്ട കേസിലാണ് സിനിമയുടെ പ്രദർശനം തടയണമെന്ന് ആവശ്യപ്പെട്ട് അപേക്ഷ നൽകിയത്. അപേക്ഷ അടിയന്തരമായി പരിഗണിക്കണമെന്ന ആവശ്യം കോടതി തള്ളി. വിഷയം ചീഫ് ജസ്റ്റിസ് മുൻപാകെ ഉന്നയിക്കാൻ ജസ്റ്റിസ് കെ.എം.ജോസഫ് ഹർജിക്കാരനോട് നിർദ്ദേശിക്കുകയായിരുന്നു.
അഭിഭാഷകനായ നിസാം പാഷയാണ് ആവശ്യമുന്നയിച്ചത്. ജസ്റ്റിസ് കെ.എം.ജോസഫ് അദ്ധ്യക്ഷനായ ബെഞ്ചാണ് വിദ്വേഷ പ്രസംഗങ്ങൾ തടയുന്നതുമായി ബന്ധപ്പെട്ട കേസ് പരിഗണിക്കുന്നത്. അതിനോടൊപ്പം ചേർത്ത് ഈ അപേക്ഷയും പരിഗണിക്കണമെന്നാണ് ആവശ്യം. വിദ്വേഷ പ്രചാരണത്തിന്റെ ഭാഗമായിട്ടുള്ള സിനിമയാണിതെന്നായിരുന്നു വാദം.
എന്നാൽ വിദ്വേഷപ്രസംഗവുമായി ബന്ധപ്പെട്ട കേസിൽ എങ്ങനെയാണ് സിനിമയുമായി ബന്ധപ്പെട്ട അപേക്ഷ പരിഗണിക്കുന്നതെന്ന് കോടതി ചോദിച്ചു. എന്നാൽ സിനിമയ്‌ക്കെതിരെ അപേക്ഷയ്ക്ക് പകരം വിശദമായ ഹർജി നാളെ സമർപ്പിക്കുമെന്ന് കപിൽ സിബൽ പറഞ്ഞു.
Discussion about this post