കോഴിക്കോട് : പൊതുചടങ്ങുകളിൽ ഈശ്വര പ്രാർത്ഥന ഒഴിവാക്കണമെന്ന് പിവി അൻവർ എംഎൽ. ഇക്കാര്യത്തിൽ സർക്കാർ നയപരമായി തീരുമാനമെടുക്കണമെന്ന് എംഎൽഎ പറഞ്ഞു. മഞ്ചേരി പ‌ട്ടയമേളയിലാണ് അൻവർ ഇക്കാര്യം പറഞ്ഞത്. തുടർന്ന് ഫേസ്ബുക്കിലൂടെയും പിവി അൻവർ ഇക്കാര്യം ഷെയർ ചെയ്തു.
ദൈവത്തിൽ വിശ്വസിക്കുന്നവരും വിശ്വാസികളല്ലാത്തവരുമു‌ണ്ട്. പ്രാർത്ഥന നടക്കുന്ന നേരത്ത് സുഖമില്ലാത്ത ഓരാൾ മറ്റൊരാളുടെ സഹായത്തോടെയാണ് ഏഴുന്നേറ്റ് നിൽക്കുന്നത്. അതുകൊണ്ട് പ്രാർത്ഥന പോലുള്ള കാര്യങ്ങൾ പൊതുചടങ്ങിൽ നിന്ന് ഒഴിവാക്കിക്കൂടെ എന്ന് അദ്ദേഹം ചോദിച്ചു. അടുത്ത നിയമസഭാ സമ്മേളനത്തിൽ ഈ വിഷയം ഉന്നയിക്കുമെന്നും എംഎൽഎ പറഞ്ഞു.
പരിപാടിയിൽ മന്ത്രിമാരായ കെ രാജൻ, വി അബ്ദുറഹ്മാൻ എന്നിവർ പങ്കെടുത്തു. ചടങ്ങിൽ റവന്യൂ വകുപ്പിലെ ജീവനക്കാരാണ് പ്രാർഥന ആലപിച്ചത്.
Discussion about this post