വിഷു ബംപർ പ്രഖ്യാപിച്ചു; ഭാഗ്യം എത്തിയ നമ്പറുകൾ ഏതെന്ന് അറിയാം

തിരുവനന്തപുരം; കേരള സർക്കാർ ലോട്ടറിയുടെ വിഷു ബംപർ നറുക്കെടുത്തു. VE 475588 എന്ന നമ്പറിനാണ് ഒന്നാം സമ്മാനം. VA 513003, VB 678985, VC 743934, VD 175757, VE 797565, VG 642218 എന്നീ നമ്പറുകളാണ് രണ്ടാം സമ്മാനമായ ഒരു കോടി രൂപയ്ക്ക് അർഹമായിരിക്കുന്നത്. തിരുവനന്തപുരത്ത് നടക്കുന്ന നറുക്കെടുപ്പ് പുരോഗമിച്ചുകൊണ്ടിരിക്കുകയാണ്. ഭാഗ്യക്കുറി വകുപ്പിന്റെ ഔദ്യോഗിക വെബ്സൈറ്റുകളായ https://www.keralalotteryresult.net/, http://www.keralalotteries.com/ എന്നിവയിൽ ഫലം അറിയാം.

അച്ചടിച്ച 42 ലക്ഷം ടിക്കറ്റുകളും വിറ്റുപോയി. വിഎ, വിബി, വിസി, വിഡി, വിഇ, വിജി എന്നീ ആറ് സീരീസുകളിലായിട്ടാണ് ഇത്തവണ വിഷു ബംപർ പുറത്തിറക്കിയത്. രണ്ടാം സമ്മാനം ഒരു കോടിരൂപ വീതം ആറു സീരിസുകൾക്ക് ലഭിക്കും. മൂന്നാം സമ്മാനം 10 ലക്ഷം വീതം 6 സീരീസുകൾക്ക്. നാലാം സമ്മാനം 5ലക്ഷംവീതം 6 സീരിസുകൾക്ക്. അഞ്ചാം സമ്മാനം 2 ലക്ഷംവീതം 6 സീരിസുകൾക്ക്. കൂടാതെ, 5000, 2000, 1000, 500, 300 രൂപയുടെ നിരവധി സമ്മാനങ്ങളുമുണ്ട്. മൊത്തം സമ്മാനത്തുക 49,46,12,000 രൂപ. ഏജന്റ് പ്രൈസ് 4,94,61,200 രൂപ.

ഒന്നാം സമ്മാനമായ 12 കോടിയിൽ 10% ഏജൻസി കമ്മിഷനായി പോകും. ശേഷിക്കുന്ന തുകയിൽ 30% നികുതി കഴിഞ്ഞിട്ടുള്ള തുകയായിരിക്കും ജേതാവിന് ലഭിക്കുക.