മാങ്ങ മോഷ്ടിച്ചെന്ന് ആരോപിച്ച് ദളിത് വിദ്യാർത്ഥിയെ കെട്ടിയിട്ട് മർദ്ദിച്ചു; മൂന്ന് പേർക്കെതിരെ കേസ്

പാലക്കാട് : മാങ്ങയും പണവും മോഷ്ടിച്ചുവെന്ന് ആരോപിച്ച് 17 കാരനെ കെട്ടിയിട്ട് ക്രൂരമായി മർദ്ദിച്ചു. പാലക്കാട് എരുത്തേമ്പതിയിലാണ് സംഭവം. പട്ടികജാതി വിഭാഗത്തിൽ പെട്ട കുട്ടിക്കാണ് മർദ്ദനമേറ്റത്. സംഭവത്തിൽ പരമശിവം , ഭാര്യ ജ്യോതി മണി, മകൻ വസന്ത് എന്നിവർക്കെതിരെ പോലീസ് കേസെടുത്തു.

ഞായറാഴ്ചയാണ് സംഭവം നടന്നത്. 17 കാരൻ മാമ്പഴവും പണവും മോഷ്ടിക്കുന്നത് സിസിടിവിയിൽ കണ്ടുവെന്നാണ് പ്രതികൾ പറയുന്നത്. ഇതേ തുടർന്ന് ചെരുപ്പ് കൊണ്ടും വടി കൊണ്ടുമാണ് 17 കാരനെ മൂന്ന് പേരും ചേർന്ന് മർദ്ദിച്ചത്. സംഭവത്തിൽ ഇന്ന് കൊഴിഞ്ഞാമ്പാറ പോലീസിൽ പരാതി നൽകിയതിനെ തുടർന്ന് അന്വേഷണം ആരംഭിച്ചു.