എറണാകുളം: ക്യാപ്സൂൾ രൂപത്തിലാക്കി സ്വർണം കടത്താൻ ശ്രമിച്ച ശ്രീലങ്കൻ സ്വദേശികളായ ദമ്പതികൾ നെടുമ്പാശ്ശേരി വിമാനത്താവളത്തിൽ പിടിയിൽ. മുഹമ്മദ് സുബൈർ, മുഹമ്മദ് ജനുഫർ എന്നിവരെയാണ് കസ്റ്റംസ് പിടികൂടിയത്. ഇവരുടെ പക്കൽ നിന്നും ഒരു കിലോയിലേറെ സ്വർണവും പിിടിച്ചെടുത്തു.
ക്യാപ്സൂളിൽ ആക്കി മലദ്വാരത്തിൽ ഒളിപ്പിച്ചായിരുന്നു ഇവർ സ്വർണം കടത്താൻ ശ്രമിച്ചത്. എന്നാൽ സുരക്ഷാ പരിശോധനയ്ക്കിടെ പിടിയിലാകുകയായിരുന്നു. സംശയം തോന്നിയതിനെ തുടർന്ന് നടത്തിയ വിശദമായ പരിശോധനയിൽ ആയിരുന്നു സ്വർണം കണ്ടെടുത്തത്.
ഒരു കിലോ ഇരുനൂറ് ഗ്രാം സ്വർണമാണ് കണ്ടെടുത്തത് എന്നാണ് അധികൃതർ നൽകുന്ന വിവരം. ഇതിന് വിപണിയിൽ ഏകദേശം 0 ലക്ഷം രൂപ വിലവരും. കൊളംബോയിൽ നിന്നാണ് ഇവർ വന്നത്. സംഭവത്തിൽ വിശദമായ അന്വേഷണം ആരംഭിച്ചു. കൂടുതൽ വിവരങ്ങൾക്കായി ഇരുവരെയും ചോദ്യം ചെയ്തുവരികയാണ്. കേരളത്തിലേക്കാണോ ഈ സ്വർണം കടത്താൻ ശ്രമിച്ചത് എന്ന കാര്യമാണ് പ്രധാനമായും പരിശോധിക്കുന്നത്.
Discussion about this post