കാസർഗോഡ്; സവർക്കറുടെ ജന്മദിനത്തിൽ പാർലമെന്റ് മന്ദിരം ഉദ്ഘാടനം ചെയ്യുന്നത് രാജ്യത്തിന് നാണക്കേടെന്ന് മന്ത്രി മുഹമ്മദ് റിയാസ്. സവര്ക്കറെ പോലെ രാജ്യത്തിന്റെ സ്വാതന്ത്ര്യസമര പോരാട്ടത്തെ ഒറ്റുകൊടുത്ത വ്യക്തിയുടെ ജന്മദിനത്തിലാണോ ഇന്ത്യയുടെ ജനാധിപത്യത്തിന്റെ എല്ലാമായ പാര്ലമെന്റിന്റെ ഉദ്ഘാടനം നടത്തേണ്ടതെന്നാണ് റിയാസിൻറെ ചോദ്യം. കാസര്ഗോഡ് മാദ്ധ്യമ പ്രവര്ത്തകരോട് സംസാരിക്കുകയായിരുന്നു മന്ത്രി.
രാജ്യത്തിന്റെ സ്വാതന്ത്ര്യസമര പോരാട്ടത്തില് പങ്കെടുത്ത് ജീവന് ത്യജിച്ച വ്യക്തികളെ അപമാനിക്കുന്നതിന് തുല്യമാണ് ഈ സംഭവമെന്നാണ് മന്ത്രിയുടെ കണ്ടെത്തൽ . ഭരണഘടനയില് പറയുന്നത് പാര്ലമെന്റ് എന്ന് പറഞ്ഞാല് രാജ്യസഭയും ലോക്സഭയും പ്രസിഡന്റും അടങ്ങുന്നതാണെന്നാണ്. എന്നാല് ഇവിടെ പ്രസിഡന്റിനെ ഒഴിവാക്കുന്നുവെന്നും മുഹമ്മദ് റിയാസ് വേദനിക്കുന്നു.
പാർലമെൻറ് മന്ദിരത്തിൻറെ ഉദ്ഘാടനവുമായി ബന്ധപ്പെട്ട് അനാവശ്യമായ വിവാദങ്ങൾക്കാണ് പ്രതിപക്ഷ പാർട്ടികൾ രാജ്യത്ത് തിരികൊളുത്തുന്നതെന്ന് ബിജെപി ആരോപിച്ചിരുന്നു. പുതിയ പാർലമെന്റ് മന്ദിരത്തിന്റെ ഉദ്ഘാടനം ഞായറാഴ്ച ഉച്ചയ്ക്ക് പന്ത്രണ്ട് മണിക്ക് നടത്താനാണ് നിശ്ചയിച്ചിരിക്കുന്നത്. എംപിമാർക്ക് ലോക്സഭ സെക്രട്ടറി ജനറൽ ഔദ്യോഗികമായി കത്തയച്ചു തുടങ്ങി. ലോക്സഭാ സ്പീക്കറുടെ സാന്നിധ്യത്തിൽ പ്രധാനമന്ത്രി നരേന്ദ്രമോദി മന്ദിരം ഉദ്ഘാടനം ചെയ്യുമെന്ന് കത്തിൽ വ്യക്തമാക്കിയിട്ടുണ്ട്.
Discussion about this post