തിരുവനന്തപുരം: ബിജെപി മാദ്ധ്യമപ്രവർത്തകരുടെ സൗഹൃദസംഗമം വിളിച്ചതിൽ പരിഹാസവുമായി പിവി അൻവർ എംഎൽഎ. നരേന്ദ്രമോദി സർക്കാരിന്റെ ഒൻപതാം വാർഷികാഘോഷത്തിന്റെ ഭാഗമായാണ് ബിജെപി മാദ്ധ്യമപ്രവർത്തകരുടെ സംഗമം സംഘടിപ്പിച്ചത്. ഇതിനെതിരെയാണ് പിവി അൻവർ പരിഹാസവുമായി എത്തിയത്.
ഠാക്കൂർ സേനയുടെ ശ്രദ്ധയ്ക്ക്..കുപ്പിയും കോഴിക്കാലുമുണ്ട്..Don’t Miss it..ഉളുപ്പില്ലാത്ത എല്ലാ മാപ്രകളും പോകണം..കിട്ടുന്നത് വാങ്ങണം..അടുത്ത ദിവസം മുതൽ കേരളത്തിനെതിരെ എഴുതണം. എന്നായിരുന്നു എംഎൽഎയുടെ പരിഹാസം.
എന്നാൽ ഫേസ്ബുക്ക് പോസ്റ്റിലൂടെയുള്ള എംഎൽഎയുടെ പരിഹാസത്തിന് അതേ പോസ്റ്റിന്റെ കമന്റിൽ തന്നെ ബിജെപി സംസ്ഥാന അദ്ധ്യക്ഷൻ കെ സുരേന്ദ്രൻ ചുട്ടമറുപടി നൽകി.
പിണറായിക്കും കമ്പനിക്കും കൊടുക്കേണ്ടതൊക്കെ കൊടുത്ത് എം. എൽ. എ ആയതിന്റെ ധാർഷ്ട്യം നല്ലതു തന്നെ. മാർക്സിന്റെ മൂലധനം സ്വായത്തമാക്കിയിട്ടല്ലല്ലോ നല്ലോണം കാലാധൻ കയ്യിലുള്ളതുകൊണ്ടാണല്ലോ താങ്കൾ കമ്യൂണിസ്റ്റായത്. തൊഴിലാളി വർഗ്ഗ സർവ്വാധിപത്യം വരുമെന്ന് കരുതിയിട്ടല്ലല്ലോ കോഴിക്കാലും കുപ്പിയും പോരാഞ്ഞ് കൊടുക്കേണ്ടതൊക്കെ കൊടുത്താണല്ലോ താങ്കൾക്ക് നമ്പർ വൺ ചാനലിലെ വിപ്ലവതാരങ്ങൾ വിവരങ്ങളൊക്കെ ചോർത്തി തന്നത്. അത്തരം അഞ്ചാംപത്തികളെയൊന്നും നാളെ വിളിച്ചിട്ടില്ല സഖാവേ.. എന്നായിരുന്നു കെ സുരേന്ദ്രന്റെ മറുപടി.
