എറണാകുളം: സംസ്ഥാനത്ത് സ്വർണവില വീണ്ടും താഴ്ന്നു. പവന് 160 രൂപയുടെ കുറവാണ് ഉണ്ടായിട്ടുള്ളത്. ഇതോടെ ഒരു പവൻ സ്വർണത്തിന് 43,080 രൂപയായി.
ഗ്രാമിന് 20 രൂപയുടെ കുറവാണ് ഉണ്ടായത്. നിലവിൽ സ്വർണം ഗ്രാമിന് 5,385 എന്ന നിരക്കിലാണ് വ്യാപാരം പുരോഗമിക്കുന്നത്. ഈ മാസത്തെ ഏറ്റവും താഴ്ന്ന നിരക്കാണ് ഇത്. വരും ദിവസങ്ങളിലും ഈ കുറവ് തുടരുമെന്നാണ് വിലയിരുത്തൽ.
ഇന്നലെയും സംസ്ഥാനത്ത് സ്വർണ വില കുറഞ്ഞിരുന്നു. പവന് 300 രൂപയാണ് കുറഞ്ഞത്. അന്താരാഷ്ട്ര വിപണിയിൽ സ്വർണത്തിന് തുടർച്ചയായി വില കുറയുന്നുണ്ട്. ഇതാണ് സംസ്ഥാനത്തെ സ്വർണ വിലയിലും പ്രതിഫലിക്കുന്നത്. അതുകൊണ്ടുതന്നെ സ്വർണം വാങ്ങാൻ ഉദ്ദേശിക്കുന്നവർ അൽപ്പം കൂടി കാത്തിരിക്കുന്നതാണ് നല്ലതെന്നാണ് വിദഗ്ധർ അഭിപ്രായപ്പെടുന്നത്.
Discussion about this post