തുടർച്ചയായ ഇടിവിന് പിന്നാലെ വർദ്ധിച്ച് സ്വർണവില; പവന് ഉയർന്നത് 80 രൂപ

തിരുവനന്തപുരം: സംസ്ഥാനത്ത് സ്വർണ വിലയിൽ വർദ്ധനവ്. സ്വർണം ഗ്രാമിന് 10 രൂപയുടെ വർദ്ധനവാണ് ഉണ്ടായിട്ടുള്ളത്. തുടർച്ചയായ വിലയിടിവിന് ശേഷമാണ് സ്വർണവിലയിൽ വർദ്ധനവ് ഉണ്ടാകുന്നത്.

പവന് 80 രൂപയാണ് ഇന്ന് വർദ്ധിച്ചിരിക്കുന്നത്. നിലവിൽ സ്വർണം പവന് 43,160 എന്ന നിരക്കിൽ ആണ് വ്യാപാരം പുരോഗമിക്കുന്നത്. സ്വർണം ഗ്രാമിന് 5,395 ആണ് നിലവിലെ വില. സംസ്ഥാനത്ത് 24 കാരറ്റ് സ്വർണത്തിന്റെ വിലയും വർദ്ധിച്ചിട്ടുണ്ട്. ഗ്രാമിന് 10 രൂപയാണ് വർദ്ധിച്ചത്.

സ്വർണ വിലയിൽ വലിയ ഇടിവ് രേഖപ്പെടുത്തിയ മാസം ആയിരുന്നു ജൂൺ. ഈ മാസം വിരലിൽ എണ്ണാവുന്ന ദിവസങ്ങളിൽ മാത്രമാണ് സംസ്ഥാനത്ത് സ്വർണ വില ഉയർന്നിട്ടുള്ളത്. ഈ മാസം തുടക്കത്തിൽ 45,000 ത്തിന് മുകളിൽ ആയിരുന്നു ഒരു പവൻ സ്വർണത്തിന്റെ വില. പിന്നീട് അങ്ങോട്ട് വില കുറയുകയായിരുന്നു. ഇതോടെയാണ് കഴിഞ്ഞ ദിവസം 43,080 ൽ സ്വർണ വില എത്തിയത്. ഈ മാസത്തെ ഏറ്റവും താഴ്ന്ന നിരക്കായിരുന്നു ഇത്.