മാരുതി സുസുക്കി ഇന്ത്യ ഇന്ത്യയിലെ തങ്ങളുടെ ഏറ്റവും വിലകൂടിയ കാർ ജൂലൈ അഞ്ചിന് പുറത്തിറക്കി. ഇൻവിക്റ്റോ നെക്സ പ്രീമിയം എന്ന ഈ ഏറ്റവും പുതിയ മോഡലിന്റെ വില ആരംഭിക്കുന്നത് 24.79 ലക്ഷം രൂപ മുതലാണ്. കഴിഞ്ഞ വർഷം പുറത്തിറക്കിയ ടൊയോട്ട ഇന്നോവ ഹൈക്രോസ് MPV യുടെ റീബാഡ്ജ് ചെയ്ത പതിപ്പാണ് ഇൻവിക്റ്റോ നെക്സ. മാരുതിയും ടൊയോട്ട കിർലോസ്കറും തമ്മിലുള്ള പങ്കാളിത്തത്തിന് ശേഷം പുറത്തിറക്കുന്ന മറ്റൊരു ഉൽപ്പന്നമാണ് ഇൻവിക്റ്റോ.
ഹൈബ്രിഡ് മോട്ടോറുമായി ബന്ധിപ്പിച്ചിട്ടുള്ള 2.0 ലിറ്റർ പെട്രോൾ എഞ്ചിനാണ് മാരുതി ഇൻവിക്ടോയ്ക്ക് കരുത്തേകുന്നത് . ഐസിഇ മോഡിൽ 172 ബിഎച്ച്പിയും 188 എൻഎം ടോർക്കും ഉൽപ്പാദിപ്പിക്കാനാവുന്ന രീതിയിലാണ് ഈ മോട്ടോർ ട്യൂൺ ചെയ്തിരിക്കുന്നത്. ഹൈബ്രിഡ് പവർട്രെയിനിന് 24.3 കിലോമീറ്റർ മൈലേജ് നൽകാൻ കഴിയുമെന്നും നിർമ്മാതാക്കൾ അവകാശപ്പെടുന്നു. 7 സീറ്റർ Zeta plus , 8 സീറ്റർ Zeta plus , 7 സീറ്റർ Alpha plus നീ മൂന്നു വകഭേദങ്ങളിലാണ് നിലവിൽ കാർ ലഭ്യമാകുക. നെക്സ നിരയിലെ എട്ടാമത്തെ ഉൽപ്പന്നമായ ഇൻവിക്റ്റോ നെക്സ ബ്ലൂ, മിസ്റ്റിക് വൈറ്റ് , മജസ്റ്റിക് സിൽവർ, സ്റ്റെല്ലാർ ബ്രോൺസ് എന്നിങ്ങനെ നാല് നിറങ്ങളിൽ ലഭ്യമാകും.
10.1 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് യൂണിറ്റ്, ഡ്യുവൽ സോൺ ക്ലൈമറ്റ് കൺട്രോൾ, വെന്റിലേറ്റഡ് ഫ്രണ്ട്-റോ സീറ്റുകൾ, പനോരമിക് സൺറൂഫ്, പവേർഡ് ടെയിൽഗേറ്റ് എന്നിവയാണ് മാരുതി സുസുക്കി ഇൻവിക്റ്റോയുടെ മറ്റു സവിശേഷതകൾ. പവേർഡ് ഡ്രൈവർ സീറ്റ്, ആംബിയന്റ് ലൈറ്റിംഗ്, ഫ്രണ്ട് ആൻഡ് റിയർ പാർക്കിംഗ് സെൻസറുകൾ, TMPS, 360-ഡിഗ്രി സറൗണ്ട് ക്യാമറ, ആറ് എയർബാഗുകൾ എന്നിവയും ഇൻവിക്റ്റോ നെക്സ ഉപഭോക്താക്കൾക്കായി വാഗ്ദാനം ചെയ്യുന്നുണ്ട് .
Discussion about this post