തിരുവനന്തപുരം : ഒരുകാലത്ത് മലയാളസിനിമാ പ്രേമികളുടെ പ്രിയപ്പെട്ട നായികമാരായിരുന്നു മേനക , ജലജ , കാർത്തിക , ശ്രീലക്ഷ്മി , വനിത, മഞ്ജു പിള്ള , സോന നായർ എന്നിവരെല്ലാം. ഈ പ്രിയ നായികമാർ ഒന്നിച്ചുള്ള ഒരു സൗഹൃദകൂട്ടായ്മ ആണ് ‘ലൗലീസ് ഓഫ് ട്രിവാൻഡ്രം’. ഈ സൗഹൃദ കൂട്ടായ്മ തിരുവനന്തപുരത്തെ ഒരു അമ്മ വീട്ടിൽ ഒത്തുകൂടിയതിന്റെ വിശേഷങ്ങൾ ആണ് ഇപ്പോൾ സോഷ്യൽ മീഡിയയിൽ ശ്രദ്ധ കവരുന്നത്. നടി സോന നായരാണ് തന്റെ സോഷ്യൽ മീഡിയ അക്കൗണ്ടിലൂടെ ഈ ചിത്രങ്ങൾ പങ്കുവെച്ചത്.
തിരുവനന്തപുരത്ത് സ്ഥിതി ചെയ്യുന്ന വഞ്ചി പുവർ ഫണ്ട് അമ്മ വീട്ടിലാണ് താരങ്ങളെല്ലാം കൂടി ഒത്തുകൂടിയത്. ഇവിടുത്തെ അന്തേവാസികളായ അമ്മമാർക്കായി ഇവർ പ്രത്യേക ഉച്ചഭക്ഷണവും ഒരുക്കിയിരുന്നു. അമ്മമാർക്കെല്ലാം പുതിയ വസ്ത്രങ്ങളും നൽകിയ ശേഷമാണ് താരങ്ങൾ വിട പറഞ്ഞത്. ഏതാനും ദിവസങ്ങൾക്കു മുമ്പ് നടിമാരായ മേനക, അംബിക, കാർത്തിക, മഞ്ജു പിള്ള, ശ്രീലക്ഷ്മി, വിന്ദുജ, സോനാ നായർ, ചിപ്പി, ജലജ എന്നിവർ ചേർന്ന് തിരുവനന്തപുരത്തെ വഞ്ചി പുവർ ഫണ്ട് അമ്മവീട് സന്ദർശിച്ചതിന്റെ ചിത്രങ്ങളും സോഷ്യൽ മീഡിയയിൽ വൈറലായിരുന്നു.
Discussion about this post