മുംബൈ: അദാനി ഗ്രൂപ്പിന്റെ ആറായിരം കിലോ തൂക്കം വരുന്ന ഇരുമ്പ് പാലം മോഷണം പോയതായി പരാതി. മഹാരാഷ്ട്ര മലാഡിലുള്ള ഓവ് ചാലിന് കുറുകെ വെച്ചിരുന്ന 90 അടി നീളമുള്ള പാലമാണ് മോഷണം പോയത്. അദാനി ഇലക്ട്രിസിറ്റി ഓഫീസിൽ കേബിളുകളും മറ്റ് ഉപകരണങ്ങളും കൊണ്ട് പോകാൻ ഉപയോഗിച്ചിരുന്ന പാലമാണ് കാണാതായത്.
സംഭവത്തിൽ പോലീസ് നാല് പേരെ അറസ്റ്റ് ചെയ്തിട്ടുണ്ട്. സസർവൈലൻസ് ക്യാമറ ദൃശ്യങ്ങൾ പരിശോധിച്ചാണ് മോഷ്ടാക്കളെ പിടികൂടിയത്. പാലം നിർമ്മിക്കാനായി കരാർ കൊടുത്തിരുന്ന സ്ഥാപനത്തിലെ തൊഴിലാളിയും സഹായികളുമാണ് നിലവിൽ അറസ്റ്റിലായിട്ടുള്ളത്. മുറിച്ച് മാറ്റിയ പാലവും പോലീസ് കണ്ടെത്തിയിട്ടുണ്ട്. ലക്ഷങ്ങളോളം വില വരുന്നതാണ് പാലം.
താത്ക്കാലികമായി ഉപയോഗിച്ചിരുന്ന ഇരുമ്പ് പാലത്തിന് പകരം ഈ കഴിഞ്ഞ ഏപ്രിൽ മാസത്തിൽ മറ്റൊരു പാലം സ്ഥാപിച്ചിരുന്നു. ഇതോടെ ഇരുമ്പ് പാലം ക്രെയിൻ ഉപയോഗിച്ച് മറ്റൊരിടത്ത് മാറ്റി സ്ഥാപിച്ചു. ഇവിടെ നിന്നാണ് ഗ്യാസ് കട്ടറുകൾ ഉപയോഗിച്ച് പാലം മുറിച്ച് കഷ്ണങ്ങളാക്കി മോഷ്ടിച്ചത്.
Discussion about this post