പഹൽഗം : അമർനാഥ് യാത്രയുടെ സ്ഥിതിഗതികൾ നേരിട്ട് വിലയിരുത്തി കാശ്മീർ പോലീസ് അഡീഷ്ണൽ ഡയറക്ടർ ജനറൽ വിജയ്കുമാർ. വിജയ് കുമാറിനൊപ്പം മുതിർന്ന ഉദ്യോഗസ്ഥരും നൻവാൻ ബേസ് ക്യാമ്പ് സന്ദർശിച്ചു. ശക്തമായ മഴയും മണ്ണിടിച്ചിലും കാരണം അമർ നാഥ് യാത്ര നിർത്തലാക്കിയിരുന്നു.
സ്ഥിതിഗതികൾ വിലയിരുത്തിയതിനു ശേഷം തുടങ്ങാൻ പോകുന്ന അമർനാഥ് യാത്രയ്ക്ക് വേണ്ട സുരക്ഷയും പിൻതുണയും അറിയിക്കുകയും ചെയ്തു. തീവ്രവാദ ഭീക്ഷണി നേരിടുന്ന പ്രദേശങ്ങളായതുകൊണ്ട് യാത്രയുടെ സുരക്ഷ ഉറപ്പാക്കുന്നതിനായി സെൻട്രൽ റിസർവ് പോലീസിന്റെയും, ജമ്മു-കാശ്മീരിലെ പോലീസ് സഹകരണവും ഈ മേഖലകളിൽ ഉറപ്പാക്കും.
അപകട പ്രദേശങ്ങളിൽ കൂടുതൽ സേനാംഗങ്ങളെ വിന്യസിപ്പിക്കും. അടിയന്തര നടപടികൾ സ്വീകരിക്കാനും, ജനങ്ങളെ നിയന്ത്രിക്കുന്നതിനും സേനകൾക്ക് കായിക പരിശീലനം നൽകാനാണ് തീരുമാനം. പ്രദേശങ്ങൾ സന്ദർശിച്ചതിനു ശേഷം സൈനിക ഉദ്യോഗസ്ഥരുമായി എഡിജിപി സംസാരിക്കുകയും ചെയ്തു. യാത്ര ചെയ്യുന്നവരുടെ ശാരീരിക- മാനസിക സ്ഥിതി വിവരങ്ങളും സന്ദർശനത്തിനിടെ എഡിജിപി പരിശോധിച്ചിരുന്നു.
യാത്രയ്ക്കുവേണ്ട മെഡിക്കൽ സഹായമുൾപ്പടെ അടിസ്ഥാന സൗകര്യങ്ങൾ ഒരുക്കിയ ഏജൻസികളെ അദ്ദേഹം നേരിട്ട് അഭിനന്ദിക്കുകയും ചെയ്തു.
Discussion about this post