തിരുവനന്തപുരം: ബാലരാമപുരത്ത് ഒരേ സമയം മൂന്ന് ജ്വല്ലറികളിൽ മോഷണം. പ്രശാന്ത്, കണ്ണൻ, പത്മനാഭം എന്നീ ജ്വല്ലറികളിലാണ് മോഷണം നടന്നത്. ഇന്നലെ രാത്രിയായിരുന്നു സംഭവം.
കടകൾ കുത്തിതുറന്നാണ് പ്രതികൾ മോഷണം നടത്തിയിരിക്കുന്നത്. രാവിലെ കട തുറന്നപ്പോഴായിരുന്നു ഉടമസ്ഥർ മോഷണവിവരം അറിയുന്നത്. ഉടൻ തന്നെ പോലീസിൽ വിവരം അറിയിക്കുകയായിരുന്നു. പോലീസെത്തി പരിശോധന നടത്തി. ആഭരണങ്ങൾക്ക് പുറമെ മറ്റെന്തെങ്കിലും കളവ് പോയിട്ടുണ്ടോ എന്നതും പരിശോധിക്കുന്നുണ്ട്. എത്ര രൂപയുടെ ആഭരണങ്ങൾ നഷ്ടപ്പെട്ടു എന്ന കാര്യത്തിൽ വ്യക്തതയില്ല. വിശദമായ പരിശോധനയ്ക്ക് ശേഷമേ കൃത്യമായ കണക്ക് ലഭിക്കുകയുള്ളൂ എന്ന് പോലീസ് പറഞ്ഞു.
സംഭവത്തിൽ പോലീസ് ഊർജ്ജിത അന്വേഷണം ആരംഭിച്ചിട്ടുണ്ട്. പ്രതികൾക്കായി കടകളിലെ സിസിടിവി ദൃശ്യങ്ങൾ പരിശോധിക്കും.
Discussion about this post