ഭോപ്പാൽ : കൈക്കൂലി വാങ്ങിയ പണം അപ്പാടെ വിഴുങ്ങി റവന്യൂ ഉദ്യോഗസ്ഥൻ. കാത്നി ജില്ലയിലാണ് സംഭവം. 5000 രൂപ കൈക്കൂലി വാങ്ങുന്നതിനിടെ ലോകായുക്താ ഉദ്യോഗസ്ഥർ ഓഫീസിൽ പരിശോധനയ്ക്ക് എത്തിയതോടെയാണ് ഗജേന്ദ്ര സിംഗ് എന്ന റവന്യൂ ഉദ്യോഗസ്ഥൻ കൈക്കൂലി പണം വിഴുങ്ങിയത്. തുടർന്ന് ജബൽപൂരിലെ ലോകായുക്താ സ്പെഷ്യൽ പോലീസ് ഇയാളെ ആശുപത്രിയിലെത്തിച്ച് നോട്ടുകൾ പുറത്തെടുക്കുകയായിരുന്നു.
ഭൂമിയുമായി ബന്ധപ്പെട്ട കേസിൽ പരാതിക്കാരനായ ചന്ദൻ സിംഗ് ലോധിയോട് ഗജേന്ദ്ര സിംഗ് 5000 രൂപ കൈക്കൂലിയായി ആവശ്യപ്പെട്ടിരുന്നു. ഇതോടെ ലോധി ലോകായുക്തയ്ക്ക് പരാതി നൽകുകയായിരുന്നു. തുടർന്ന് ഉദ്യോഗസ്ഥരുടെ നിർദ്ദേശപ്രകാരം ലോധി ഓഫീസിലെത്തി 4500 രൂപ കൈക്കൂലിയായി നൽകി. അപ്പോഴാണ് ഉദ്യോഗസ്ഥർ കൈക്കൂലി വാങ്ങിയ ഗജേന്ദ്ര സിംഗിനെ കൈയ്യോടെ പിടികൂടിയത്.
He was taken by the anti-corruption sleuths to Katni District Hospital, but despite efforts by medical staff, just shreds of the nine Rs 500 notes could be retrieved from the Patwari Gajendra Singh. @NewIndianXpress @TheMornStandard @santwana99 @Shahid_Faridi_ pic.twitter.com/TLsF6vdorY
— Anuraag Singh (@anuraag_niebpl) July 24, 2023
എന്നാൽ ലോകായുക്താ ഉദ്യോഗസ്ഥർ ഓഫീസിലേക്ക് എത്തുന്നത് കണ്ട ഗജേന്ദ്ര സിംഗ് 500 രൂപയുടെ ഒൻപത് നോട്ടുകൾ അപ്പാടെ വിഴുങ്ങുകയായിരുന്നു. നോട്ടുകൾ പുറത്തെടുക്കാൻ ഏറെ നേരം പരിശ്രമിച്ചെങ്കിലും സാധിക്കാതെ വന്നതോട ഗജേന്ദ്ര സിംഗിനെ ജില്ലാ ആശുപത്രിയിലെത്തിച്ചു. നീണ്ട നേരത്തെ പരിശ്രമത്തിനൊടുവിലാണ് നോട്ടുകെട്ടുകൾ തിരിച്ചെടുത്തത്. സംഭവത്തിന് പിന്നാലെ റവന്യൂ ഉദ്യോഗസ്ഥന്റെ അറസ്റ്റ് രേഖപ്പെടുത്തി.
