തിരുവനന്തപുരം: സോഷ്യൽ മീഡിയ താരം മീശ വിനീത് എന്ന വിനീത് വീണ്ടും അറസ്റ്റിൽ. സ്വർണാഭരണങ്ങൾ തട്ടിയെടുത്തുവെന്ന യുവതിയുടെ പരാതിയിലാണ് വിനീതിനെ പോലീസ് അറസ്റ്റ് ചെയ്തത്. ക്രിമിനൽ കേസിൽ ഇത് മൂന്നാം തവണയാണ് ഇയാൾ അറസ്റ്റിലാവുന്നത്.
സൗഹൃദം നടിച്ച് സ്വർണാഭരണങ്ങൾ തട്ടിയെടുത്തു എന്നും, ഇത് ചോദ്യം ചെയ്തപ്പോൾ ദേഹോപദ്രവം ഏൽപ്പിച്ചുവെന്നുമാണ് പരാതി. സംഭവത്തിൽ പോലീസ് വിശദമായ അന്വേഷണം ആരംഭിച്ചു.
തിരുവനന്തപുരം കിളിമാനൂർ വെള്ളയൂർ സ്വദേശിയാണ് വിനീത്. മാസങ്ങൾക്ക് മുൻപ് പെട്രോൾ പമ്പ് മാനേജരിൽ നിന്നും പണം തട്ടിയെടുത്ത് കടന്ന് കളയാൻ ശ്രമിച്ച കേസിൽ വിനീത് അറസ്റ്റിലായിരുന്നു. രണ്ടര ലക്ഷം രൂപയായിരുന്നു കവർന്നത്. ഈ പണം ഉപയോഗിച്ച് വിനീത് ബുള്ളറ്റ് വാങ്ങുകയും കടം വീട്ടുകയും മറ്റും ചെയ്തിരുന്നു. നേരത്തെ പ്രണയം നടിച്ച് യുവതിയെ പീഡിപ്പിച്ച കേസിലും വിനീതിനെ അറസ്റ്റ് ചെയ്തിരുന്നു. പത്തോളം മോഷണ കേസുകളും ഇയാൾക്കെതിരെ നിലവിലുണ്ട്.
Discussion about this post