മകന്റെ അഭിനിവേശം വളർത്തിയതിനും അവന് പിന്തുണ നൽകിയതിനും നന്ദി; പ്രജ്ഞാനന്ദയുടെ മാതാപിതാക്കൾക്ക് എക്‌സ് യു വി സമ്മാനിക്കാൻ ആനന്ദ് മഹീന്ദ്ര

ന്യൂഡൽഹി : ചെസ് ലോകകപ്പിൽ ഇന്ത്യയുടെ അഭിമാനം ഉയർത്തിയ യുവതാരം ആർ പ്രജ്ഞാനന്ദയുടെ മാതാപിതാക്കൾക്ക് സമ്മാനവുമായി ആനന്ദ് മഹീന്ദ്ര. പ്രജ്ഞാനന്ദയുടെ മാതാപിതാക്കൾക്ക് മഹീന്ദ്ര എക്‌സ് യു വി 400 ന്റെ ഇലക്ട്രിക് വാഹനം സമ്മാനിക്കുമെന്നാണ് സമൂഹമാദ്ധ്യമത്തിലൂടെ അദ്ദേഹം അറിയിച്ചത്.

” എല്ലാ മാതാപിതാക്കളും അവരുടെ കുട്ടികളെ ചെസ്സ് പഠിപ്പിക്കണമെന്നും അവരെ പിന്തുണയ്ക്കണമെന്നും പ്രോത്സാഹിപ്പിക്കണമെന്നും ഞാൻ ആഗ്രഹിക്കുന്നു. ഇലക്ട്രിക് വാഹനങ്ങൾ പോലെ തന്നെ അതും നല്ല ഭാവിയിലേക്കുള്ള നിക്ഷേപമാണ്. അതിനാൽ, ഞങ്ങൾ പ്രജ്ഞാനന്ദയുടെ മാതാപിതാക്കളായ നാഗലക്ഷ്മിക്കും രമേശ് ബാബുവിനും XUV4OO EV സമ്മാനിക്കാൻ തീരുമാനിച്ചു. മകന്റെ അഭിനിവേശം വളർത്തിയതിനും അവന് പിന്തുണ നൽകിയതിനും അവർ ഇത് അർഹിക്കുന്നു” ആനന്ദ് മഹീന്ദ്ര എക്‌സ് പ്ലാറ്റ്‌ഫോമിൽ കുറിച്ചു.

Appreciate your sentiment, Krishlay, & many, like you, have been urging me to gift a Thar to @rpragchess
But I have another idea …
I would like to encourage parents to introduce their children to Chess & support them as they pursue this cerebral game (despite the surge in… https://t.co/oYeDeRNhyh pic.twitter.com/IlFIcqJIjm

— anand mahindra (@anandmahindra) August 28, 2023

പ്രജ്ഞാനന്ദയ്ക്ക് മഹീന്ദ്ര ഥാർ സമ്മാനമായി നൽകണമെന്ന് നിരവധി സോഷ്യൽ മീഡിയ ഉപയോക്താക്കൾ ആനന്ദ് മഹീന്ദ്രയോട് ആവശ്യപ്പെട്ടിരുന്നു. ഇതിനുള്ള പ്രതികരണമായാണ് പ്രഗ്‌നാനന്ദയുടെ രക്ഷിതാക്കൾക്ക് ഇ വി സമ്മാനിക്കുമെന്ന് മഹീന്ദ്ര മേധാവി അറിയിച്ചത്.