ന്യൂഡൽഹി: ബോളിവുഡ് നടി കങ്കണ റണാവത്തിന് എതിരെ രൂക്ഷ വിമർശനവുമായി പാകിസ്താനിലെ നടി നൗഷീൻ ഷാ. പാകിസ്താനെ കുറിച്ച് നടി സംസാരിക്കുന്നത് രാജ്യത്തെ കുറിച്ച് ഒന്നും അറിയാതെയാണെന്നും ഇതിന് ശക്തമായ മറുപടി കൊടുക്കണമെന്നുമാണ് നൗഷീൻ ഷാ പറയുന്നത്.
അവൾ എന്റെ രാജ്യത്തെ കുറിച്ച് പറയുന്ന രീതി, പാകിസ്ഥാൻ പട്ടാളത്തെക്കുറിച്ച് ഒരുപാട് ചീത്ത പറയുന്ന രീതി, അവളുടെ ധീരതയെ ഞാൻ അഭിവാദ്യം ചെയ്യുന്നു, പക്ഷെ അവർക്ക് യാതൊരു അറിവും ഇല്ലാതെയാണ് സംസാരിക്കുന്നത്. അതും മറ്റൊരു രാജ്യത്തെക്കുറിച്ച്. നിങ്ങളുടെ സ്വന്തം രാജ്യത്തിന്റെ കാര്യത്തിൽ മാത്രം ശ്രദ്ധ കേന്ദ്രീകരിക്കുക. നിങ്ങളുടെ അഭിനയം, നിങ്ങളുടെ സംവിധാനം എന്നിവയിൽ ശ്രദ്ധ കേന്ദ്രീകരിക്കുക. നിങ്ങളുമായി ബന്ധപ്പെട്ട് വിവാദങ്ങളിലും മുൻ കാമുകൻമാരിലും ശ്രദ്ധ കേന്ദ്രീകരിക്കുകയെന്ന് നടി കുറ്റപ്പെടുത്തി.
കങ്കണയുടെ മികച്ച അഭിനയ വൈദഗ്ധ്യത്തെ പ്രശംസിച്ചുവെങ്കിലും ബോളിവുഡ് താരം ‘തീവ്രവാദി’യെന്നാണ് പാകിസ്താൻ താരം വിശേഷിപ്പിക്കുന്നത്. താൻ ഇതുവരെ ഒരു ഇന്ത്യൻ അഭിനേതാക്കളെയും കണ്ടിട്ടില്ലെങ്കിലും കങ്കണയെ കാണാനും രണ്ട് അടി കൊടുക്കാനും ആഗ്രഹിക്കുന്നുവെന്നും പറഞ്ഞു.
പാകിസ്താൻ സൈന്യത്തെക്കുറിച്ച് നിങ്ങൾക്ക് എന്താണ് അറിവുള്ളത്? ഞങ്ങളുടെ ഏജൻസികളെക്കുറിച്ച് നിങ്ങൾക്ക് എങ്ങനെ അറിയാം? ഞങ്ങൾക്ക് തന്നെ അതേക്കുറിച്ച് അറിയില്ല. ഏജൻസികൾ ഞങ്ങളുടെ രാജ്യത്താണ്, സൈന്യം നമ്മുടെ രാജ്യത്തിന്റേത്, അവർ ഞങ്ങളോട് ഇക്കാര്യങ്ങൾ പങ്കുവെക്കുന്നില്ല, അവ രഹസ്യങ്ങളായ കാര്യങ്ങളാണ്’ നൗഷീൻ പറയുന്നു.
Discussion about this post