മഹാരാഷ്ട്ര : ഇടതുപക്ഷ പ്രത്യയശാസ്ത്രങ്ങൾ ലോകത്തിന് നാശം വരുത്തിയെന്ന് രാഷ്ട്രീയ സ്വയംസേവക സംഘം സർസംഘചാലക് ഡോ. മോഹൻ ഭാഗവത്. മാർക്‌സിസത്തിന്റെ പേരിൽ ഇടതുപക്ഷ നേതാക്കൾ ലോകത്ത് അക്രമങ്ങൾ അഴിച്ചുവിട്ടതായും അദ്ദേഹം ചൂണ്ടിക്കാട്ടി. പൂനെയിൽ ‘ജഗല പൊഖർനാരി ദാവി വാൽവി’ എന്ന മറാത്തി പുസ്തകത്തിന്റെ പ്രകാശന ചടങ്ങിൽ സംസാരിക്കുകയായിരുന്നു അദ്ദേഹം.
മാർക്‌സിസത്തിന്റെ പേരിൽ ലോകത്ത് ഇടതുപക്ഷം നാശത്തിന്റെ വിത്താണ് പാകുന്നത്. അവർ തെറ്റായ ആദർശങ്ങളും തത്വങ്ങളുമാണ് സമൂഹത്തിൽ പ്രചരിപ്പിക്കുന്നത്. ഇടതു പ്രത്യയശാസ്ത്രങ്ങൾ ജനങ്ങളെ നാശത്തിലേക്കാണ് തള്ളിയിടുന്നത്. അതുമൂലം മനുഷ്യരുടെ സ്വഭാവത്തിൽ പോലും മാറ്റങ്ങൾ ഉണ്ടാകുന്നു. സമൂഹത്തിൽ അക്രമങ്ങളും കൊലപാതകങ്ങളും വർദ്ധിക്കുന്നു. ഇതിൽ നിന്നും ലോകത്തെ രക്ഷിക്കേണ്ടത് നാമോരോരുത്തരുടേയും കടമയാണ് അദ്ദേഹം പറഞ്ഞു . ഇതിനെതിരെ നാം ജാഗ്രതയോടെ ഇരിക്കേണ്ടത് സമൂഹത്തിനു ആവശ്യമാണെന്നും അദ്ദേഹം കൂട്ടിച്ചേർത്തു.
കൂടാതെ ഡി എം കെ നേതാവ് ഉദയനിധി സ്റ്റാലിന്റെ സനാതന ധർമ്മത്തെ ഉന്മൂലനം ചെയ്യണമെന്ന വിവാദ പ്രസ്താവനയെ കുറിച്ചും അദ്ദേഹം സംസാരിച്ചു. ഭാരതത്തിന്റെ സംസ്കാരത്തെ അവഹേളിച്ചവർക്കെതിരെ നാം ഒരുമിച്ച് നിൽക്കണം. നമ്മുടെ സംസ്കാരത്തെ അവഹേളിച്ചവർക്ക് തക്ക മറുപടി നൽകണമെന്നും അദ്ദേഹം കൂട്ടിച്ചേർത്തു.
Discussion about this post