ചെന്നൈ: ഹോട്ടലിൽ നിന്ന് സൗജന്യഭക്ഷണം ആവശ്യപ്പെട്ടയാളെ അടിച്ചുകൊന്ന് ജീവനക്കാർ. കാഞ്ചീപുരത്തിന് മീപം ഓരിക്കെയിലാണ് സംഭവം. തിരുമലൈ എന്ന 50 കാരനാണ് കൊല്ലപ്പെട്ടത്. കൊലപാതകവുമായി ബന്ധപ്പെട്ട് ഹോട്ടൽ ജീവനക്കാരനായ രാമചന്ദ്രനെ പോലീസ് അറസ്റ്റ് ചെയ്തു.
കഴിഞ്ഞ ദിവസങ്ങളിലും സൗജന്യഭക്ഷണം ആവശ്യപ്പെട്ട് തിരുമലൈ ഹോട്ടലിൽ എത്തിയിരുന്നു. അന്ന് ജീവനക്കാരുമായി തർക്കത്തിലേർപ്പെട്ട് തിരിച്ചുപോയി. കഴിഞ്ഞ ദിവസം വീണ്ടും ഇയാൾ ഹോട്ടലിലെത്തി ഭക്ഷണം ആവശ്യപ്പെട്ടു. തുടർന്ന് രാമചന്ദ്രൻ മരക്കട്ടയെടുത്ത് തിരുമലൈയെ അടിച്ചു. തുടർന്ന് ഇയാൾ കുഴഞ്ഞുവീണ് മരിക്കുകയായിരുന്നു.
ഓടിരക്ഷപ്പെട്ട രാമചന്ദ്രനെ നാട്ടുകാർ ചേർന്ന് പിടികൂടി കാഞ്ചീപുരം താലൂക്ക് പോലീസ് സ്റ്റേഷനിൽ ഏൽപ്പിക്കുകയായിരുന്നു.
Discussion about this post