ഇടുക്കി : ഇടുക്കി രൂപതയിൽ വൈദികൻ ബിജെപിയിൽ ചേർന്നു. കൊന്നത്തടി പഞ്ചായത്ത് മങ്കുവ സെൻതോമസ് ദേവാലയത്തിലെ ഇടവക വൈദികൻ ഫാ. കുര്യാക്കോസ് മറ്റമാണ് ബിജെപി അംഗത്വം സ്വീകരിച്ചത്. ബിജെപി ഇടുക്കി ജില്ലാ പ്രസിഡണ്ട് കെ എസ് അജി നേരിട്ടെത്തി വൈദികനെ ഷാൾ അണിയിച്ച് പാർട്ടിയിലേക്ക് സ്വീകരിച്ചു.
ഇടുക്കിയിൽ നിന്ന് ഇതാദ്യമായാണ് ഒരു വൈദികൻ ബിജെപിയിൽ ചേരുന്നത്. ക്രൈസ്തവർക്ക് ചേരാൻ കൊള്ളാത്ത പാർട്ടിയാണ് ബിജെപി എന്ന് കരുതുന്നില്ലെന്ന് ഫാ. കുര്യാക്കോസ് മറ്റം പ്രതികരിച്ചു. പാർട്ടി അംഗമായി പ്രവേശിച്ച ശേഷമായിരുന്നു അദ്ദേഹത്തിന്റെ പ്രതികരണം.
Discussion about this post