കോട്ടയം : ശക്തമായ മഴയെ തുടർന്ന് കോട്ടയം താലൂക്കിലെ വിദ്യാഭ്യാസ സ്ഥാപനങ്ങൾക്ക് നാളെ അവധി. ഹയർസെക്കൻഡറി തലം വരെയുള്ള വിദ്യാഭ്യാസ സ്ഥാപനങ്ങൾക്കും അങ്കണവാടികൾക്കും ചൊവ്വാഴ്ച (2023 ഒക്ടോബർ 3) അവധി പ്രഖ്യാപിച്ചു. കോട്ടയം കളക്ടറാണ് ഇക്കാര്യം അറിയിച്ചത്.
വെള്ളപ്പൊക്ക ഭീഷണി നേരിടുന്നതിനെ തുടർന്നാണ് തീരുമാനം. ഇത് കൂടാതെ ചങ്ങനാശേരി, വൈക്കം താലൂക്കുകളിലെ ക്യാമ്പുകൾ പ്രവർത്തിക്കുന്ന സ്കൂളുകൾക്കും ഒക്ടോബർ മൂന്നിന് അവധിയായിരിക്കും.
