പണ്ട് ആയുർവേദമരുന്നുകളിൽ വ്യാപകമായി ഉപയോഗിച്ചിരുന്നതും ഇന്ന് സാധാരണയായി ആളുകൾ ഉപയോഗിച്ച് വരുന്നതുമായ സസ്യമാണ് കറ്റാർ വാഴ ജെൽ. സൗന്ദര്യ സംരക്ഷണത്തിന് പേര് കേട്ട ഇത് പലവിധ ക്രീമുകളിലും ഉപയോഗിച്ച് വരുന്നു. കറ്റാർ വാഴ ജെൽ മാത്രമായും സൗന്ദര്യ സംരക്ഷണത്തിനായി ഉപയോഗിക്കാം.
വീട്ടിൽ ഒരു ചുവട് കറ്റാർ വാഴ ഉണ്ടെങ്കിൽ പിന്നെ കെമിക്കലുകൾ അടങ്ങിയ കറ്റാർ വാഴ ജെൽ പുറത്ത് നിന്ന് വാങ്ങുന്നത് എന്തിനാണ്. കൊറിയൻ സ്കിൻ കെയറുകള തേടി പോകുന്നതിന് പകരം പരമ്പരാഗതമായ രീതിയിൽ തന്നെ സൗന്ദര്യസംരക്ഷണവുമാകാം.ആന്റി ഓക്സിഡന്റുകളും വൈറ്റമിനുകളുമെല്ലാം തന്നെ കലർന്ന ഇത് തികച്ചും സ്വാഭാവിക രീതിയിലെ സൗന്ദര്യ സംരക്ഷണത്തിന് പറ്റിയ മരുന്നാണ്. വൈറ്റമിൻ ഇ അടങ്ങിയ സ്വാഭാവിക സസ്യമാണ് കറ്റാർ വാഴ.
കറ്റാർ വാഴ ജെൽ
കറ്റാർ വാഴ തണ്ട് മുറിച്ചെടുക്കുക. നല്ലതു പോലെ കഴുകി ഇതിന്റെ മഞ്ഞ പശ ആദ്യം കളയുക. ഇതിന്റെ വശത്തേയും മുകളിലേയും താഴത്തേയും പച്ച നിറത്തിലെ തൊലി ഭാഗം നീക്കുക. ഈ ജെൽ മിക്സിയിൽ ഇട്ട് നല്ലതു പോലെ അടിച്ചെടുക്കുക. ഇതിലേയ്ക്ക് വൈറ്റമിൻ ഇ ക്യാപ്സൂളുകൾ ചേർത്ത് നല്ലതു പോലെ മിക്സ് ചെയ്യാം. ശേഷം അൽപം ജെലാറ്റിൻ ചേർക്കാം. ചൈനാ ഗ്രാസ് ആണെങ്കിൽ അൽപം ചൂടുവെള്ളത്തിൽ ഇട്ട് മൃദുവാക്കി ഇതെടുത്തു ചേർത്തിളക്കാം. നല്ലതു പോലെ ഇളക്കിചേർത്താൽ ജെൽ തയ്യാർ.ഒരാഴ്ച ദിവസം രണ്ടുനേരം ഈ ജെൽ മുഖത്ത് പുരട്ടി നോക്കൂ കാര്യമായ വ്യത്യാസം തന്നെ കാണാൻ സാധിക്കുന്നതാണ്.
ഇനി മുഖത്തെ പാടുകൾ മാറ്റാനാണെങ്കിലും വഴിയുണ്ട്. ആദ്യം ആറ് ബദാം രാത്രി മുഴുവൻ വെള്ളത്തിൽ കുതിർത്ത് രാവിലെ തൊലി കളഞ്ഞ് പൊടിച്ചെടുക്കുക. ഇതിനുശേഷം, ഒരു ഗ്രൈൻഡറിൽ രണ്ട് സ്പൂൺ കറ്റാർ വാഴ ജെൽ ഇട്ടു, അതിൽ വിറ്റാമിൻ ഇ കാപ്സ്യൂളുകൾ ചേർത്ത് അടിക്കുക. ഇനി ഈ മിശ്രിതത്തിലേക്ക് അൽപം മഞ്ഞളും ബദാം പേസ്റ്റും ചേർത്ത് നന്നായി ഇളക്കുക. ഇത് വായു കടക്കാത്ത പാത്രത്തിൽ സൂക്ഷിച്ച് ഫ്രിഡ്ജിൽ സൂക്ഷിക്കാം.
