എറണാകുളം: ജീത്തു ജോസഫ് ബേസിൽ ജോസഫ് കൂട്ടുകെട്ടിന്റെ പുതിയ ചിത്രം ‘നുണക്കുഴി’യുടെ ചിത്രീകരണം ആരംഭിച്ചു. വെണ്ണല ലിസ്സി ഫാർമസി കോളേജിലാണ് സിനിമയുടെ പൂജ നടന്നത്. സിനിമയുടെ ടൈറ്റിൽ ലുക്ക് പോസ്റ്റർ ഏറെ ശ്രദ്ധ നേടിയിരുന്നു. കെആർ കൃഷ്ണകുമാറിന്റേതാണ് തിരക്കഥ. ‘കൂമൻ’ എന്ന ചിത്രത്തിന് ശേഷം ജീത്തു ജോസഫും കെആർ കൃഷ്ണകുമാറും ഒന്നിക്കുന്നു എന്ന പ്രത്യേകതയും ഈ ചിത്രത്തിനുണ്ട്.
സരിഗമയും ജീത്തു ജോസഫിന്റെ ബെഡ് ടൈം സ്റ്റോറിസും ചേർന്നൊരുക്കുന്ന ചിത്രത്തിൽ ഗ്രേസ് ആന്റണിയാണ് മറ്റൊരു പ്രധാന വേഷത്തിലെത്തുന്നത്. വിക്രം മെഹർ, സിദ്ധാർത്ഥ ആനന്ദ് കുമാർ എന്നിവർ ചേർന്നാണ് ചിത്രം നിർമിക്കുന്നത്. സതീഷ് കുറുപ്പ് ഛായാഗ്രഹണം നിർവഹിക്കുന്നു. സിദ്ദിഖ്, മനോജ്‌ കെ ജയൻ, ബൈജു, അജു വർഗീസ്, സൈജു കുറുപ്പ്, ബിനു പപ്പു, പ്രമോദ് വെളിയനാട്, അസീസ് നെടുമങ്ങാട് തുടങ്ങിയവരും ചിത്രത്തിൽ പ്രധാന കഥാപാത്രങ്ങളായെത്തുന്നു. എറണാകുളത്താണ് ‘നുണക്കുഴി’ യുടെ ചിത്രീകരണം നടക്കുക.
എഡിറ്റർ – വിനായക് വിഎസ്, കോസ്റ്റും ഡിസൈനർ – ലിന്റാ ജീത്തു, മ്യൂസിക് ഡയറക്ടർ – ജയ് ഉണ്ണിത്താൻ, മേക്ക് അപ് – രതീഷ് വി, പ്രൊഡക്ഷൻ ഡിസൈനെർ – പ്രശാന്ത് മാധവ്, പ്രൊഡക്ഷൻ കൺട്രോളർ – പ്രണവ് മോഹൻ, ചീഫ് അസോസിയേറ്റ് ഡയറക്ടർ – സുധീഷ് രാമചന്ദ്രൻ, ഡിസൈൻ – യെല്ലോ ടൂത്ത്, പി ആർ & മാർക്കറ്റിങ് – വൈശാഖ് സി വടക്കേവീട്, ജിനു അനിൽകുമാർ.
