തിരുവനന്തപുരം : ബാഴ്സലോണയിൽ നടക്കുന്ന സ്മാർട്ട് സിറ്റി എക്സ്പോ വേൾഡ് കോൺഗ്രസിൽ കേരളത്തിന്റെ പ്രതിനിധിയായി തിരുവനന്തപുരം മേയർ ആര്യ രാജേന്ദ്രൻ. കേരളത്തിൽ നിന്നും മന്ത്രി എം ബി രാജേഷ് നേതൃത്വം നൽകുന്ന സംഘത്തോടൊപ്പമാണ് മേയർ ബാഴ്സലോണയിൽ എത്തിയിരിക്കുന്നത്. നഗരവികസനത്തെ കുറിച്ചുള്ള ചർച്ചകളും എക്സ്പോയുമാണ് ബാഴ്സലോണയിൽ നടക്കുന്നതെന്ന് ആര്യ രാജേന്ദ്രൻ വ്യക്തമാക്കി.
തിരുവനന്തപുരം നഗരത്തിലെ വികസനങ്ങൾ ഫലപ്രദമായ രീതിയിൽ ഏറ്റെടുക്കുവാനും നഗരവികസനം പുതിയ കാലത്തിന് അനുസൃതമായി നടത്തുവാനും ബാഴ്സലോണയിൽ നടക്കുന്ന ചർച്ചകളും എക്സ്പോകളും ഗുണകരമാകുമെന്ന് ആര്യ രാജേന്ദ്രൻ അഭിപ്രായപ്പെട്ടു. ഫേസ്ബുക്കിൽ പങ്കുവെച്ച കുറുപ്പിലൂടെയാണ് മേയർ ബാഴ്സലോണയിൽ നടക്കുന്ന ചർച്ചകളെക്കുറിച്ച് വ്യക്തമാക്കിയത്.
മേയർ ആര്യ രാജേന്ദ്രന്റെ ഫേസ്ബുക്ക് കുറുപ്പിന്റെ പൂർണ്ണരൂപം കാണാം,
ബാഴ്സിലോണയിൽ നടക്കുന്ന സ്മാർട്ട് സിറ്റി എക്സ്പോ വേൾഡ് കോൺഗ്രസിൽ കേരളത്തിലെ പ്രതിനിധിയായി പങ്കെടുക്കുകയാണ്. നഗരവികസനത്തെ കുറിച്ചുള്ള ചർച്ചകളും എക്സ്പോയുമാണ് നടക്കുന്നത്. അതിവേഗം നഗരവല്ക്കരണം നടന്നുകൊണ്ടിരിക്കുന്ന സംസ്ഥാനമാണ് കേരളം. തിരുവനന്തപുരം നഗരത്തിൽ ഫലപ്രദമായ രീതിയിൽ വികസന പ്രവർത്തനങ്ങൾ ഏറ്റെടുക്കുവാനും പുതിയകാലത്തിന് അനുസൃതമായി നഗരവികസനം ആസൂത്രണം ചെയ്യാനും ഇവിടത്തെ ചർച്ചകളും എക്സ്പോയും ഗുണകരമാകും എന്നാണ് കാണുന്നത്.
