കുറഞ്ഞ ബജറ്റില്‍ മികച്ച എന്‍റര്‍ടെയ്നര്‍ ചിത്രങ്ങൾ മലയാളികള്‍ക്ക് സമ്മാനിക്കുന്ന നടനും സംവിധായകനുമൊക്കെയാണ് ബേസില്‍. ഇപ്പോഴിതാ ബേസില്‍ കേന്ദ്ര കഥാപാത്രത്തെ അവതരിപ്പിച്ചിരിക്കുന്ന ഏറ്റവും പുതിയ ചിത്രമായ ഫാലിമിയുടെ ബോക്സ് ഓഫീസ് റിപ്പോര്‍ട്ടുകള്‍ പുറത്ത് എത്തിയിരിക്കുകയാണ്.
നവാഗതനായ നിതീഷ് സഹദേവ് രചനയും സംവിധാനവും നിര്‍വ്വഹിച്ച ഫാലിമിയില്‍ ജഗദീഷും മഞ്ജു പിള്ളയും പ്രധാന കഥാപാത്രങ്ങളെ അവതരിപ്പിക്കുന്നു. ഫണ്‍ ഫാമിലി എന്‍റര്‍ടെയ്നര്‍ വിഭാഗത്തില്‍ പെടുന്ന ചിത്രമാണ് ഫാലിമി. കഴിഞ്ഞ വെള്ളിയാഴ്ച്ചയാണ് ചിത്രം തിയറ്ററുകളിലെത്തിയത്. ചിത്രത്തിന് മികച്ച അഭിപ്രായമാണ് ആദ്യദിനം മുതല്‍ ലഭിക്കുന്നത്.
ആദ്യ വാരാന്ത്യത്തില്‍ ചിത്രം 2.43- 2.5 കോടി നേടിയതായി പ്രമുഖ ബോക്സ് ഓഫീസ് ട്രാക്കര്‍മാര്‍ അറിയിക്കുന്നു. ജാനെമന്‍, ജയ ജയ ജയ ജയ ഹേ എന്നീ ചിത്രങ്ങളുടെ നിര്‍മ്മാതാക്കളായ ചിയേഴ്സ് എന്‍റര്‍ടെയ്ന്‍‍മെന്‍റ്സ് ആണ് ഫാലിമിയുടെ നിര്‍മ്മാണം.
ഇനിയുള്ള ദിവസങ്ങളിലും ചിത്രം കളക്ഷനില്‍ വലിയ മുന്നേറ്റം ഉണ്ടാക്കുമെന്നാണ് ട്രേഡ് അനലിസ്റ്റുകളുടെ വിലയിരുത്തല്‍. ബബ്‍ലു അജു ഛായാഗ്രഹണം നിര്‍വ്വഹിച്ചിരിക്കുന്ന ചിത്രത്തിന്‍റെ സംഗീതം വിഷ്ണു വിജയ് ആണ്.
Discussion about this post