ശ്രീനഗർ: ജമ്മു കശ്മീരിലെ രജൗരിയിൽ ഉണ്ടായ ഏറ്റുമുട്ടലിൽ ഒരു സൈനികൻ കൂടി വീരമൃത്യുവരിച്ചു. ഗുരുതരമായി പരിക്കേറ്റ് ചികിത്സയിൽ കഴിഞ്ഞിരുന്ന ജവാനാണ് ഉച്ചയോടെ ജീവൻ നഷ്ടമായത്. ഇതോടെ ഏറ്റുമുട്ടലിൽ വീരമൃത്യുവരിച്ച സൈനികരുടെ എണ്ണം അഞ്ചായി.
സൈനികന്റെ പേര് വിവരങ്ങൾ പുറത്തുവിട്ടിട്ടില്ല. ഉധംപൂരിലെ ആശുപത്രിയിലാണ് അദ്ദേഹം ചികിത്സയിൽ കഴിഞ്ഞിരുന്നത് എന്നാണ് വിവരം. പോസ്റ്റ്‌മോർട്ടം ഉൾപ്പെടെയുള്ള നടപടിക്രമങ്ങൾ പൂർത്തിയാക്കിയ ശേഷം അദ്ദേഹത്തിന്റെ ഭൗതികദേഹം ബന്ധുക്കൾക്ക് കൈമാറും. പരിക്കേറ്റ രണ്ട് പേർ ഇപ്പോഴും ആശുപത്രിയിൽ ചികിത്സയിൽ തുടരുകയാണ്.
ബുധനാഴ്ചയായിരുന്നു രജൗരിയിൽ ഏറ്റുമുട്ടൽ ഉണ്ടായത്. ബജിമാൽ മേഖലയിൽ ആയിരുന്നു ഏറ്റുമുട്ടൽ. ഭീകരർ ഒളിച്ചിരിക്കുന്നുണ്ടെന്ന രഹസ്യവിവരത്തിന്റെ അടിസ്ഥാനത്തിൽ എത്തിയത് ആയിരുന്നു സുരക്ഷാ സേന. തിരച്ചിലിനിടെ ഭീകരർ ആക്രമണം നടത്തുകയായിരുന്നു. നാല് സൈനികർ പ്രദേശത്ത് തന്നെ വീരമൃത്യുവരിച്ചിരുന്നു.
Discussion about this post