ന്യൂഡഹി: ആയുഷ്മാന് ഭാരതിന് കീഴില് ധനസഹായം ലഭിക്കുന്ന പ്രാഥമികാരോഗ്യ കേന്ദ്രങ്ങളും കുടുംബാരോഗ്യ കേന്ദ്രങ്ങളും ഇനി മുതല് ‘ആയുഷ്മാന് ആരോഗ്യ മന്ദിര്’ എന്നറിയപ്പെടും. ‘ആരോഗ്യം പരമം ധനം’ എന്ന ടാഗ് ലൈനും നല്കണം . ഡിസംബര് അവസാനത്തോടെ പേരു മാറ്റം പൂര്ത്തിയാക്കണം. കേന്ദ്ര ആരോഗ്യ മന്ത്രാലയം ഇത് സംബന്ധിച്ച് ഉത്തരവ് പുറത്തിറക്കി.
നാഷണല് ഹെല്ത്ത് മിഷന് ഡയറക്ടറുടെ കത്ത് രണ്ടു ദിവസം മുമ്പാണ് സംസ്ഥാനങ്ങള്ക്ക് ലഭിച്ചത്. താഴേത്തട്ടിലുള്ള ആശുപത്രികളെ ഹെല്ത്ത് ആന്ഡ് വെല്നെസ് സെന്ററാക്കി ഉയര്ത്തി പേരു മാറ്റണം. നിലവില് 5000 പ്രാഥമികാരോഗ്യ കേന്ദ്രങ്ങളും 700 ലേറെ കുടുംബാരോഗ്യ കേന്ദ്രങ്ങളും സംസ്ഥാനത്തുണ്ട്. ഈ സ്ഥാപനങ്ങള്ക്കെല്ലാം സെന്ററാക്കി ഉയര്ത്തി പേര് മാറ്റണമെന്നായിരുന്നു നിര്ദ്ദേശം.
സ്വന്തം കെട്ടിടത്തിലല്ല പ്രവര്ത്തിക്കുന്നതെങ്കില് ഫ്ലക്സ് ബോര്ഡില് പേര് പ്രദര്ശിപ്പിക്കണം. പേരിന് മാറ്റം വരുത്താന് 3,000 രൂപയാണ് വകയിരുത്തിയിരിക്കുന്നത്. ആയുഷ്മാന് മാന് ഭാരത് പോര്ട്ടലില് ഫോട്ടോ അപ്ലോഡ് ചെയ്യണം. അതത് സംസ്ഥാനങ്ങളില് ഉള്ളവര്ക്ക് അവരുടെ ഭാഷകളിലേക്ക് പേര് മാറ്റാവുന്നതാണ്. എന്നാല് ടാഗ് ലൈനില് മാറ്റം വരുത്താന് പാടില്ല.
Discussion about this post