ഡോ. വൈശാഖ് സദാശിവൻ എബിവിപി സംസ്ഥാന പ്രസിഡണ്ട് ; ഇ യു ഈശ്വര പ്രസാദ് സംസ്ഥാന സെക്രട്ടറി

തിരുവനന്തപുരം : ABVP സംസ്ഥാന പ്രസിഡന്റായി ഡോ. വൈശാഖ് സദാശിവനും സംസ്ഥാന സെക്രട്ടറിയായി ഇ.യു ഈശ്വരപ്രസാദും തിരഞ്ഞെടുക്കപ്പെട്ടു.
തിരുവനന്തപുരം നെയ്യാറ്റിൻകര സ്വദേശി ആണ് ഡോ. വൈശാഖ് സദാശിവൻ. എറണാകുളം കാലടി സ്വദേശിയാണ് ഇ യു ഈശ്വരപ്രസാദ്.

കെമിസ്ട്രിയിൽ ഡോക്ടറേറ്റ് നേടിയിട്ടുള്ള ശ്രീ ഡോ. വൈശാഖ് സദാശിവൻ നിലവിൽ ആലപ്പുഴ സനാതന ധർമ കോളേജിൽ രസതന്ത്ര വിഭാഗം അസിസ്റ്റന്റ് പ്രൊഫസർ ആയി അദ്ധ്യാപനം നടത്തുകയാണ് . 2005 മുതൽ എബിവിപി യിൽ പ്രവർത്തിക്കുന്നു. നിലവിൽ എബിവിപി സംസ്ഥാന വൈസ് പ്രസിഡന്റ്‌ ആയി പ്രവർത്തിക്കുക ആയിരുന്നു.

ഇ യു ഈശ്വരപ്രസാദ് കാലടി ശ്രീ ശങ്കരാചാര്യ സംസ്‌കൃത യൂണിവേഴ്സിറ്റി യിൽ നിന്നും MSW പഠനം പൂർത്തിയാക്കിയ വ്യക്തിയാണ്. നിലവിൽ എബിവിപി ദേശീയ നിർവാഹക സമിതി അംഗം ആയി പ്രവർത്തിച്ചുവരികയായിരുന്നു.