2040-ഓടെ ഇന്ത്യൻ ബഹിരാകാശ സഞ്ചാരികളെ ചന്ദ്രനിലേക്ക് അയക്കാനാണ് ഐഎസ്ആർഒ പദ്ധതിയിടുന്നതെന്ന് ചെയർമാൻ എസ് സോമനാഥ്. ഗഗൻയാൻ ബഹിരാകാശ ദൗത്യം അതിനു മുന്നോടിയായി ഉള്ള ആദ്യ ചുവടുവെപ്പ് ആണെന്നും എസ് സോമനാഥ് വ്യക്തമാക്കി. ദൗത്യത്തിന്റെ ഭാഗമായി 3 ഇന്ത്യൻ ബഹിരാകാശയാത്രികരെ ലോ എർത്ത് ഓർബിറ്റിൽ (LEO) മൂന്ന് ദിവസം വരെ സുരക്ഷിതമായി അയച്ചുകൊണ്ട് തിരികെ ഇന്ത്യൻ കടലിൽ എത്തിക്കാൻ പദ്ധതിയിടുന്നതായി അദ്ദേഹം വെളിപ്പെടുത്തി.
ഗഗൻയാൻ ദൗത്യത്തിനായി ഇന്ത്യൻ വ്യോമസേനയിൽ നിന്ന് നാല് പരീക്ഷണ പൈലറ്റുമാരെയാണ് തിരഞ്ഞെടുത്തിരിക്കുന്നതെന്നും എസ് സോമനാഥ് വ്യക്തമാക്കി . ബംഗളൂരുവിലെ ആസ്ട്രോനട്ട് ട്രെയിനിംഗ് ഫെസിലിറ്റിയിൽ ദൗത്യത്തിന് ആവശ്യമായ നിർദ്ദിഷ്ട പരിശീലനത്തിലാണ് ഇപ്പോൾ അവർ ഉള്ളതെന്നും സോമനാഥ് കൂട്ടിച്ചേർത്തു.
ആദ്യത്തെ ഗഗൻയാൻ ദൗത്യത്തിൽ എൽവിഎം3 ലോഞ്ച് വെഹിക്കിൾ, ഒരു ഓർബിറ്റൽ മൊഡ്യൂൾ എന്നിവയുൾപ്പെടെ നിരവധി നിർണായക സാങ്കേതിക വിദ്യകൾ പരീക്ഷിക്കുന്നതാണ് . യഥാർത്ഥ ക്രൂഡ് ദൗത്യത്തിന് മുമ്പ്, സമാനമായ രണ്ട് അൺ ക്രൂഡ് ദൗത്യങ്ങൾ നടത്തും. ക്രൂഡ് ഗഗൻയാൻ ദൗത്യം 2025-ൽ വിക്ഷേപിക്കാനാകുമെന്നും എസ് സോമനാഥ് വ്യക്തമാക്കി.
Discussion about this post