ന്യൂഡൽഹി: ഇൻഡി സഖ്യത്തിന്റെ തലപ്പത്ത് കോൺഗ്രസ് നേതാവ്. കോൺഗ്രസ് ദേശീയാദ്ധ്യക്ഷൻ മല്ലികാർജുൻ ഖാർഗെയെ ഇന്ത്യാ മുന്നണിയുടെ ചെയർമാനായി തിരഞ്ഞെടുത്തു. കോൺഗ്രസ് മുന്നണിയെ നയിക്കട്ടെയെന്ന അഭിപ്രായം ബിഹാർ മുഖ്യമന്ത്രി നിതീഷ് എടുത്തതോടെയാണ് മല്ലികാർജ്ജുൻ ഖാർഗെയെ തിരഞ്ഞെടുത്തത്. നിതീഷ് കുമാറാണ് കൺവീനറായി തിരഞ്ഞെടുക്കപ്പെട്ടത്. ഇത് സംബന്ധിച്ച് ഔദ്യോഗിക പ്രഖ്യാപനം നടത്തിയിട്ടില്ല.
ഏറെനാളായി ഈ വിഷയത്തിൽ ആലോചനകൾ നടന്നുവരികയായിരുന്നു. ഇന്ത്യാ മുന്നണിയുടെ കഴിഞ്ഞമാസത്തെ യോഗത്തിൽ മമതാ ബാനർജിയും അർവിന്ദ് കെജ്രിവാളും ഖാർഗെയെ പ്രധാനമന്ത്രി സ്ഥാനാർത്ഥിയായി പ്രഖ്യാപിക്കണമെന്ന് നിർദ്ദേശിച്ചിരുന്നു. പിന്നാലെ കൺവീനറായി നിതീഷിനെ നിയോഗിക്കണമെന്ന ആവശ്യവുമുയർന്നിരുന്നു.
അതേസമയം, സീറ്റ് വിഭജനവുമായി ബന്ധപ്പെട്ട പ്രാഥമിക ചർച്ചകൾ മുന്നണി പൂർത്തിയാക്കിയിട്ടുണ്ട്. അതിൽ തുടർ ചർച്ചകളും ഇന്ന് നടന്നുവെന്നാണ് വിവരം
Discussion about this post