ന്യൂഡൽഹി: കൃഷ്ണഭക്തയായ ജസ്ന സലീം ശ്രീകൃഷ്ണന്റെ പെയിന്റിംഗ് സമ്മാനിക്കുന്ന ചിത്രം പങ്കുവച്ച് പ്രധാനമന്ത്രി നരേന്ദ്ര മോദി. ട്വിറ്ററിലൂടെയായിരുന്നു അദ്ദേഹം ജസ്‌നയിൽ നിന്നും സമ്മാനം സ്വീകരിക്കുന്ന ചിത്രം പങ്കുവച്ചത്. ഭക്തിയുടെ പരിവർത്തന ശക്തിയുടെ തെളിവാണ് ജസ്ന എന്ന് അദ്ദേഹം ചിത്രത്തിനൊപ്പം കുറിച്ചു.
കൃഷ്ണഭക്തയായ ജസ്ന സലീമിൽ നിന്നും കൃഷ്ണന്റെ പെയിന്റിംഗ് ഏറ്റുവാങ്ങി. ഭഗവാൻ ശ്രീകൃഷ്ണനിലേക്കുള്ള ജസ്‌നയുടെ യാത്ര ഭക്തിയുടെ പരിവർത്തന ശക്തിയുടെ തെളിവാണ്. ഗുരുവായൂർ ക്ഷേത്രത്തിലേക്ക് വർഷങ്ങളായി ജസ്ന ഭഗവാന്റെ ചിത്രങ്ങൾ സമർപ്പിക്കുന്നുണ്ടെന്നും പ്രധാനമന്ത്രി കൂട്ടിച്ചേർത്തു.
കഴിഞ്ഞ ദിവസമായിരുന്നു പ്രധാനമന്ത്രിയ്ക്ക് കൃഷ്ണന്റെ ചിത്രം ജസ്ന സമ്മാനിച്ചത്. ഗുരുവായൂർ ക്ഷേത്രത്തിൽവച്ചായിരുന്നു ഇത്. സുരേഷ് ഗോപിയുടെ മകൾ ഭാഗ്യയുടെ വിവാഹത്തിന് വേണ്ടിയായിരുന്നു അദ്ദഹം ഗുരുവായൂരിൽ എത്തിയത്. പ്രധാനമന്ത്രിയ്ക്ക് കൃഷ്ണന്റെ ചിത്രം സമ്മാനിക്കണം എന്നത് ഏറെക്കാലമായുള്ള ജസ്‌നയുടെ ആഗ്രഹമാണ്. ഇതാണ് കഴിഞ്ഞ ദിവസം നിറവേറിയത്. തന്റെ ആഗ്രഹം നിറവേറിയതിന് നന്ദി സൂചകമായി ജസ്ന ഗുരുവായൂർ ക്ഷേത്രത്തിലേക്ക് മറ്റൊരു ചിത്രം കൂടി സമ്മാനിച്ചു.
Discussion about this post