എറണാകുളം: വിദ്യാർത്ഥി സംഘർഷത്തിന് പിന്നാലെ മഹാരാജാസ് കോളേജ് പ്രിൻസിപ്പാൾ ഡോ. വിഎസ് ജോയിയെ സ്ഥലം മാറ്റി. പട്ടാമ്പി ശ്രീനീലകണ്ഠ സർക്കാർ സംസ്‌കൃത കോളേജിലേക്കാണ് അദ്ദേഹത്തെ സ്ഥലം മാറ്റിയത്. കോളേജ് അടച്ച പശ്ചാത്തലത്തിലാണ് നടപടി.
കഴിഞ്ഞ ദിവസമാണ് സംഘർഷത്തെ തുടർന്ന് കോളേജ് അടച്ചത്. അനിശ്ചിത കാലത്തേക്ക് കോളേജ് അടയ്ക്കുന്നുവെന്നാണ് ഉത്തരവ്. ഇതേ തുടർന്നായിരുന്നു പ്രിൻസിപ്പാളിനെ സ്ഥലം മാറ്റാൻ തീരുമാനിച്ചത്.
യൂണിയൻ തിരഞ്ഞെടുപ്പ് ഉൾപ്പെടെയുള്ള വിഷയങ്ങളുമായി ബന്ധപ്പെട്ട് കഴിഞ്ഞ ഏതാനും ദിവസങ്ങളായി കോളേജിൽ വിദ്യാർത്ഥികൾ തമ്മിൽ പ്രശ്‌നങ്ങൾ ഉണ്ടായിരുന്നു. എന്നാൽ കഴിഞ്ഞ ദിവസം ഇത് വലിയ സംഘർഷത്തിലും കത്തിക്കുത്തിലും കലാശിച്ചു. ഇതേ തുടർന്നാണ് കോളേജ് അടച്ചിട്ടത്. എസ്എഫ്‌ഐ യൂണിറ്റ് സെക്രട്ടറി പി. എ അബ്ദുൾ നാസറിനായിരുന്നു സംഘർഷത്തിനിടെ കുത്തേറ്റത്.
Discussion about this post