ന്യൂഡൽഹി: ഈ ഫോക്കസിലാണ് കാര്യങ്ങൾ പോകുന്നതെങ്കിൽ 2030 ന് മുമ്പ് തന്നെ 7 ട്രില്യൺ ഡോളർ സമ്പദ്വ്യവസ്ഥ കൈവരിക്കാനാകുമെന്ന് കോൺഫെഡറേഷൻ ഓഫ് ഇന്ത്യൻ ഇൻഡസ്ട്രി ഡയറക്ടർ ജനറൽ ചന്ദ്രജിത് ബാനർജി വ്യാഴാഴ്ച വ്യക്തമാക്കി. നിർമലാ സീതാരാമൻ ഇന്ന് അവതരിപ്പിച്ച ബഡ്ജറ്റിനെ പ്രകീർത്തിച്ചു കൊണ്ട് സംസാരിക്കുകയായിരുന്നു അദ്ദേഹം. കഴിഞ്ഞ ഏതാനും വര്ഷങ്ങളായി വരാൻ പോകുന്ന വർഷവും അതിനപ്പുറവും അതിനപ്പുറവും ശക്തമായ വളർച്ചാ നിരക്ക് സാധ്യമാക്കുന്ന ബജറ്റാണ് ഇന്ത്യ നടപ്പിലാക്കുന്നതെന്നും അദ്ദേഹം പറഞ്ഞു
ബജറ്റിനെക്കുറിച്ച് സംസാരിക്കവെ, ഇത് വളരെ വിവേകപൂർണ്ണമായ ബജറ്റാണെന്ന് അദ്ദേഹം പറഞ്ഞു. ബജറ്റിൽ ഉൾപ്പെടുത്തിയിരിക്കുന്ന പദ്ധതികൾ, ചിലവഴിക്കുന്ന പണം എന്നിവ വളരെ ഉയർന്ന ഗുണനിലവാരം കാണിക്കുന്നുണ്ട് എന്നും ഇത്ര വിവേകപൂർണ്ണമായ ബജറ്റിനെ വിപണി തീർച്ചയായും ശ്രദ്ധിക്കുമെന്നും അദ്ദേഹം പറഞ്ഞു . ബജറ്റിൽ ചെലവുകളുടെ ഗുണനിലവാരം ഏറെക്കുറെ സന്തുലിതമാണെന്നും അദ്ദേഹം പറഞ്ഞു.
ഇന്ത്യയുടെ വളരെ ശക്തമായ വളർച്ചാ നിരക്ക് നമ്മൾ കണ്ടുകൊണ്ടിരിക്കുകയാണ് . കഴിഞ്ഞ കുറച്ച് വർഷങ്ങളായി, വരും വർഷത്തിലും അതിനപ്പുറവും ശക്തമായ വളർച്ചാ നിരക്ക് കൈവരിക്കാൻ ഓരോ ബജറ്റും നമ്മെ പ്രാപ്തമാക്കുന്നത് നമ്മൾ കാണുന്നുണ്ട് . ഈ ഫോക്കസിൽ പോവുകയാണെങ്കിൽ . 2030 ന് മുമ്പ് തന്നെ 7 ട്രില്യൺ ഡോളർ സമ്പദ്വ്യവസ്ഥ ഇന്ത്യ കൈവരിക്കുന്നത് നമ്മളെല്ലാവരും കാണും, അദ്ദേഹം പറഞ്ഞു. കാരണം അത്രമാത്രം വ്യത്യസ്ത മേഖലകളിലാണ് നമ്മൾ നമ്മുടെ ശ്രദ്ധ പതിപ്പിച്ചിരിക്കുന്നത്
