പ്രയാഗ്രാജ്: മൗനി അമവാസി ദിവസത്തിൽ പ്രയാഗ്രാജ് സംഗമത്തിൽ പുണ്യസ്നാനം നടത്തി തീർത്ഥാടകർ. പുണ്യതീർത്ഥത്തിൽ സ്നാനം നടത്താൻ നിരവധി തീർത്ഥാടകരാണ് നദിക്കരയിലെത്തിയത്. വിഷ്ണുവിനും ശിവനും ആരാധന നടത്തിയ ഭക്തർ സരയൂ ഘട്ടിലും പുണ്യസ്നാനം നടത്തി. ഇന്ന് പുലർച്ചെ തീർത്ഥാടകരുടെ വലിയ ഒഴുക്കാണ് പ്രദേശത്ത് ഉണ്ടായത്.
വാരണാസിയിലും തീർത്ഥാടകർ മൗനി അമാവാസിയുടെ ആചാരപരമായ ചടങ്ങുകൾ നടത്തി. രാജ്യത്തെ പലയിടങ്ങളിൽ നിന്നുള്ള ഭക്തർ ഹരിദ്വാറിൽ എത്തുകയും ഗംഗാ നദിയിൽ സ്നാനം നടത്തുകയും പ്രാർത്ഥനകളും പൂജകളും നടത്തുകയും ചെയ്തു. ലക്ഷ്മിക്കും ഗണപതിക്കും സൂര്യദേവനും പൂർവികർക്കും പൂജകൾ നടത്തി.
മാഘി അമാവാസി എന്നും മൗനി അമാവാസി അറിയപ്പെടുന്നു. പൂർവ്വികരെയും മുൻഗാമികളെയും ബഹുമാനിക്കുന്നതിനായി സമർപ്പിച്ചിരിക്കുന്ന പവിത്രമായ ദിവസമാണ് മൗനി അമാവാസി. ‘മൗനി’ എന്ന പേരിന്റെ അർത്ഥം നിശബ്ദത എന്നാണ്. മൗനി അമാവാസി ദിനം നിശബ്ദതയ്ക്ക് വേണ്ടി സമർപ്പിച്ചിരിക്കുന്നു. ഈ ദിവസം, ഭക്തർ ആത്മീയ ഉയർച്ചക്ക് വേണ്ടി മാറ്റി വയ്ക്കുന്നു.
Discussion about this post