എറണാകുളം:കൊച്ചിയിലെ ബാറിന് മുൻപിലുണ്ടായ വെടിവയ്പുമായി ബന്ധപ്പെട്ട് രണ്ട് പേർ കസ്റ്റഡിയിൽ. ബാക്കിയുള്ള രണ്ട് പ്രതികൾക്കായി അന്വേഷണം തുടരുകയാണ്. നേരത്തെ പ്രതികളുടെ കാർ മൂവാറ്റുപുഴയിൽ നിന്ന് കണ്ടെത്തിയിരുന്നു. ഇതിനു പിന്നാലെയാണ് രണ്ട് പ്രതികൾ അറസ്റ്റിലായത്. ഇവരെ ചോദ്യം ചെയ്യ്ത് വരികയാണെന്ന് പോലീസ് അറിയിച്ചു.
കത്രിക്കടവിലെ ഇടശേരി ബാറിലാണ് വെടിവയ്പ്പ് ഉണ്ടായത്. അർദ്ധരാത്രിയോടെയായിരുന്നു സംഭവം . ആക്രമണത്തിൽ രണ്ട് ബാർ ജീവനക്കാർക്ക് വെടിയെറ്റിരുന്നു. സംഘർഷത്തിൽ മറ്റൊരാൾക്കും പരിക്കേറ്റു. മദ്യപാനത്തെ തുടർന്നുള്ള തർക്കമാണ് വെടിവയ്പ്പിൽ കലാശിച്ചത്. സംഭവത്തന് ശേഷം പ്രതികൾ കാറിൽ കയറി കടന്നുകളയുകയായിരുന്നു.
വെടിയേറ്റവരിൽ ഒരാൾ നിലവിൽ തീവ്രപരിചരണ വിഭാഗത്തിൽ ചികിത്സയിലാണ്. അദ്ദേഹത്തെ അടിയന്തര ശസ്ത്രക്രിയയ്ക്ക് വിധേയനാക്കി. മറ്റൊരാൾ നിരീക്ഷണത്തിൽ തുടരുകയാണ്. രണ്ട് പ്രതികളിൽ നിന്നും ലഭിച്ച വിവരങ്ങളുടെ അടിസ്ഥാനത്തിൽ വൈകാതെ തന്നെ മറ്റു പ്രതികളെ അറസറ്റ് ചെയ്യും എന്നും പോലീസ് അറിയിച്ചു.
Discussion about this post