ആറ്റുകാൽ പൊങ്കാല പ്രമാണിച്ച് സ്പെഷ്യൽ ട്രെയിനുകൾ അനുവദിച്ച് റെയിൽവേ ; അധിക സ്റ്റോപ്പുകളും അനുവദിച്ചു

തിരുവനന്തപുരം : ആറ്റുകാൽ പൊങ്കാല പ്രമാണിച്ച് തിരുവനന്തപുരത്തേക്ക് സ്പെഷ്യൽ ട്രെയിനുകൾ അനുവദിച്ചു. സതേൺ റെയിൽവേ ആണ് സ്പെഷ്യൽ ട്രെയിനുകൾ അനുവദിച്ച കാര്യം വ്യക്തമാക്കിയത്. ഇതോടൊപ്പം പൊങ്കാല പ്രമാണിച്ച് അധിക സ്റ്റോപ്പുകളും അനുവദിച്ചിട്ടുണ്ട്.

ഫെബ്രുവരി 25 ഞായറാഴ്ച ആണ് റെയിൽവേ മൂന്ന് സ്പെഷ്യൽ ട്രെയിനുകൾ അനുവദിച്ചിട്ടുള്ളത്. എറണാകുളത്ത് നിന്നും നാഗർകോവിലിൽ നിന്നും മെമു സ്പെഷ്യൽ ട്രെയിനുകളാണ് തിരുവനന്തപുരത്തേക്ക് സർവീസ് നടത്തുക. എറണാകുളം – തിരുവനന്തപുരം സെൻട്രൽ സ്പെഷ്യൽ മെമു ട്രെയിൻ ആറ്റുകാൽ പൊങ്കാല ദിവസമായ ഞായറാഴ്ച പുലർച്ചെ 1:45ന് എറണാകുളത്ത് നിന്ന് പുറപ്പെട്ട് രാവിലെ 6:30 ഓടെ തിരുവനന്തപുരം സെൻട്രലിൽ എത്തുന്നതായിരിക്കും.

തിരുവനന്തപുരം – കൊല്ലം , നാഗർകോവിൽ – തിരുവനന്തപുരം സെക്ഷനുകളിലെ വിവിധ ട്രെയിനുകൾക്ക് ആണ് ആറ്റുകാൽ പൊങ്കാല പ്രമാണിച്ച് അധിക സ്റ്റോപ്പുകൾ അനുവദിച്ചിട്ടുള്ളത്. പിറവം റോഡ് 02:19, വൈക്കം റോഡ് 2:26, ഏറ്റുമാനൂർ 02:42, കോട്ടയം, 02:55, ചങ്ങനാശേരി 03:03, തിരുവല്ല 3:13, ചെങ്ങന്നൂർ 03:24, മാവേലിക്കര 03:37, കായംകുളം 03:47, കരുനാഗപ്പള്ളി 04:03, കൊല്ലം 04:40, മയ്യനാട് 04:55, പരവൂർ 05:00, വർക്കല 05:11, കടയ്ക്കാവൂർ 05:22, ചിറയിൻകീഴ് 05:27, മുകുക്കുംപുഴ 05:35, കണിയാപുരം 05:39, കഴക്കൂട്ടം 05:45, കൊച്ചുവേളി 05:53, തിരുവനന്തപുരം പേട്ട 05:59 എന്നിവിടങ്ങളിലാണ് ആറ്റുകാൽ പൊങ്കാല പ്രമാണിച്ചുള്ള അധിക സ്റ്റോപ്പുകൾ ഉണ്ടാവുക.