കുൽബുർഗി: രാഹുൽ ഗാന്ധിക്കെതിരെ ആഞ്ഞടിച്ച് മുൻ മധ്യപ്രദേശ് മുഖ്യമന്ത്രിയും മുതിർന്ന ബി ജെ പി നേതാവുമായ ശിവ് രാജ് സിംഗ് ചൗഹാൻ. അദ്ദേഹത്തിന്റെ മാനസിക നില തകരാറിലായെന്നും അതിനാലാണ് ഇങ്ങനെ വായിൽ തോന്നുന്നതൊക്കെ വിളിച്ചു പറയുന്നതെന്നും ശിവരാജ് സിംഗ് ചൗഹാൻ പറഞ്ഞു. തന്റെ ഭാരത് ജോഡോ യാത്രക്കിടെ വാരാണസിയിലും ഉത്തർപ്രദേശിലും തെരുവോരങ്ങളിൽ നിറയെ മദ്യപിച്ചു ലക്ക് കേട്ട യുവാക്കൾ കിടക്കുന്നത് കണ്ടു എന്നായിരുന്നു രാഹുൽ ഗാന്ധി പറഞ്ഞത്. ഇതിനെതിരെയാണ് ശിവ് രാജ് സിംഗ് ചൗഹാൻ രംഗത്തെത്തിയത്.
തൻ്റെ ‘ന്യായ് യാത്ര’യിൽ യുപിയിലെ യുവാക്കൾക്കെതിരെ അസഭ്യം പറയുക മാത്രമല്ല, അയോധ്യയിൽ രാമക്ഷേത്രം തുറക്കുന്നതിനെതിരെയും ആർട്ടിക്കിൾ 370 (ജമ്മു കശ്മീരിൽ നിന്ന്) റദ്ദാക്കിയതിനെതിരെയും മുത്തലാഖ് എടുത്തു കളഞ്ഞതിനെതിരെയും രാഹുൽ ഗാന്ധി സംസാരിച്ചു. അദ്ദേഹത്തിന്റെ മാനസിക നില പരിപൂർണ്ണമായും തകരാറിലായിരിക്കുന്നു എന്നാണ് നമ്മൾ മനസിലാക്കേണ്ടത് ശിവ് രാജ് സിംഗ് ചൗഹാൻ പറഞ്ഞു.
Discussion about this post