ഷിംല : സുഖ്‌വീന്ദർ സിംഗ് സുഖുവിൻ്റെ നേതൃത്വത്തിലുള്ള കോൺഗ്രസ് സർക്കാർ സംസ്ഥാനത്ത് ന്യൂനപക്ഷമാണെന്നും അതിനാൽ തന്നെ സുഖുവിൻ്റെ നേതൃത്വത്തിലുള്ള കോൺഗ്രസ് സർക്കാർ താഴെ വീണേക്കും എന്ന് വെളിപ്പെടുത്തി ഹിമാചൽ പ്രദേശ് പ്രതിപക്ഷ നേതാവും ഭാരതീയ ജനതാ പാർട്ടി (ബിജെപി) നേതാവുമായ ജയറാം താക്കൂർ.
ബി ജെ പി അവിശ്വാസ പ്രമേയം കൊണ്ടുവരുമോ എന്ന ചോദ്യത്തിന് ബഡ്ജറ്റിന് ശേഷം പറയാം എന്ന് ജയറാം താക്കൂർ മറുപടി നൽകി.
ബജറ്റ് നാളെ അവതരിപ്പിക്കും, അതിനെ തുടർന്ന് ഞങ്ങൾ നാളെ ബജറ്റ് ചർച്ചയിൽ ഏർപ്പെടും , തുടർന്ന് സംസ്ഥാനത്തുള്ള സാഹചര്യം പരിശോധിക്കും. പക്ഷേ എന്തായാലും സർക്കാരിന് ഭൂരിപക്ഷം നഷ്ടപ്പെട്ടു എന്ന് വ്യക്തമാണ്. ജയറാം താക്കൂർ പറഞ്ഞു
