ബെംഗളൂരു: കർണാടക നിയമസഭയിൽ കോൺഗ്രസ് സ്ഥാനാർത്ഥി സയ്യിദ് നസീർ ഹുസൈൻ്റേ രാജ്യസഭാ വിജയത്തിൻ്റെ ആഘോഷത്തിനിടെ ഉയർന്നത് പാകിസ്താൻ അനുകൂല മുദ്രാവാക്യങ്ങൾ തന്നെയെന്ന് സ്ഥിരീകരിച്ച് ഫോറൻസിക് വിദഗ്ധർ.
സംസ്ഥാന സർക്കാരിന് സമർപ്പിച്ച റിപ്പോർട്ടിൽ വീഡിയോയിലും ഓഡിയോയിലും പാകിസ്താൻ അനുകൂല മുദ്രാവാക്യങ്ങൾ ഉണ്ടെന്നും ദൃശ്യങ്ങളിൽ യാതൊരുവിധ കൃത്രിമവും കാണിച്ചിട്ടില്ലെന്നും പോലീസും ഫോറൻസിക് ഡിപ്പാർട്മെന്റും വ്യക്തമാക്കി.
ഫെബ്രുവരി 28ന് രാജ്യസഭാ തെരഞ്ഞെടുപ്പിൽ കോൺഗ്രസ് നേതാവ് സയ്യിദ് നസീർ ഹുസൈൻ്റെ വിജയം ആഘോഷിക്കാൻ വിധാനസൗധയിലെത്തിയ ബിയാദഗിയിലെ വ്യാപാരിയായ വ്യക്തിയാണ് പാകിസ്താൻ അനുകൂല മുദ്രാവാക്യം വിളിച്ചത്. എന്നാൽ ഇയാൾ പിടിയിലായെന്നും ഇയാളുടെ പേര് മുഹമ്മദ് ഷഫീഖ് നാഷിപുടിയാണെന്നും ഹവേരി പോലീസ് സൂപ്രണ്ട് അൻഷുകുമാർ പറഞ്ഞു.
