തിരുവനന്തപുരം: സംസ്ഥാനത്ത് സ്വർണവില റെക്കോർട്ട് ഉയരത്തിൽ. ചരിത്രത്തിൽ ഇതാദ്യമായാണ് സ്വർണവില പവന് 48,000 കടക്കുന്നത്. ഇന്ന് ഒരു പവന് 320 രൂപയാണ് ഉയന്നത്. ഒരു പവൻ സ്വർണത്തിന്റെ ഇന്നത്തെ വിപണി നിരക്ക് 48,080 രൂപയാണ്.
ഇന്നലെ പവന് 47, 760 രൂപയായിരുന്നു വില. ഇതും റെക്കോർഡ് വിലയായിരുന്നു. ഇതിനേയും മറികടന്നാണ് സ്വർണവില ഇന്ന് ഉയർന്നത്. ഒറ്റ ദിവസം കൊണ്ട് ഗ്രാമിന് 40 രൂപയുടെ വർദ്ധനയാണ് ഉണ്ടായത്. ഇന്നലെ ഗ്രാമിന് 5, 970 രൂപയായിരുന്നു വില. ഇന്നത് 6,010 രൂപയിലെത്തി.
കഴിഞ്ഞ മാസം 15 ന് 45,520 രൂപയായി താഴ്ന്ന് ആ മാസത്തെ ഏറ്റവും താഴ്ന്ന നിലവാരത്തിലേക്ക് ഇടിഞ്ഞിരുന്നു. ഇതിനുശേഷം സ്വർണവില തിരിച്ചുകയറുന്നതാണ് കണ്ടത്. 20 ദിവസത്തിനിടെ 2500 രൂപയിലധികമാണ് ഉയർന്നത്.
രാജ്യാന്തര വിപണിയിൽ സ്വർണവില കുതിപ്പ് തുടരുന്നതോടെയാണ് സംസ്ഥാനത്തും വലിയ വില വർദ്ധന ഉണ്ടായിരിക്കുന്നത്. അന്താരാഷ്ട്ര സ്വർണവില 2149 യുഎസ് ഡോളർ കടന്നു. അമേരിക്ക വലിയ പണപ്പെരുപ്പത്തെ അഭിമുകീകരിക്കുന്നതാണ് വിലവർദ്ധനവിന് പ്രധാനകാരണം.
Discussion about this post