ഭോപാൽ: കോൺഗ്രസ് നേതാവ് രാഹുൽ ഗാന്ധിയുടെ ‘ശക്തി’ പരാമർശത്തിനെതിരെ ആഞ്ഞടിച്ച് മദ്ധ്യപ്രദേശ് മുഖ്യമന്ത്രി മോഹൻ യാദവ്. രാഹുൽ ഗാന്ധിക്ക് ഹിന്ദു മതത്തെ പറ്റി ഒന്നും അറിയില്ലെന്നും അത് മാത്രമല്ല അദ്ദേഹത്തിന് ജനാധിപത്യത്തെ പറ്റിയും ഒന്നും അറിയില്ലെന്നും മോഹൻ യാദവ് തുറന്നടിച്ചു.
നിർഭാഗ്യവശാൽ, രാഹുൽ ഗാന്ധിക്ക് ഹിന്ദു മതത്തെക്കുറിച്ചോ ജനാധിപത്യത്തെക്കുറിച്ചോ ഇന്ത്യയെയും ജനാധിപത്യത്തെയും ലോകത്ത് മികച്ച സ്ഥാനത്ത് എത്തിച്ച ഇവിഎമ്മിനെക്കുറിച്ച് പോലും ധാരണയില്ലെന്നും എനിക്ക് പറയേണ്ടി വരും. രാഹുൽ ഗാന്ധി എന്താണ് പറയുന്നതെന്ന് സ്വയം ചിന്തിക്കണം, രാഹുൽ ഗാന്ധിയെ തങ്ങളുടെ നേതാവായി പരിഗണിക്കണോ എന്ന് അദ്ദേഹത്തിൻ്റെ പാർട്ടി പുനർവിചിന്തനം ചെയ്യണം,” മുഖ്യമന്ത്രി യാദവ് തിങ്കളാഴ്ച ഭോപ്പാലിൽ മാധ്യമപ്രവർത്തകരോട് പറഞ്ഞു.
ഹിന്ദുമതത്തിൽ ശക്തി എന്നൊരു വാക്ക് ഉണ്ടെന്നും ഞങ്ങൾ ശക്തിക്കെതിരെ പോരാടുകയാണെന്നും രാഹുൽ ഗാന്ധി നേരത്തെ ഒരു മഹാരാഷ്ട്രയിൽ ഒരു പൊതുസമ്മേളനത്തിൽ പറഞ്ഞിരുന്നു. ഇലക്ട്രോണിക് വോട്ടിങ് മെഷീനുകളെ പറ്റി പറയുമ്പോഴാണ് ഹിന്ദു മതത്തിലെ “ശക്തി” എന്ന വാക്ക് രാഹുൽ ഗാന്ധി ഉപയോഗിച്ചത്. നമ്മൾ ഒരു ശക്തിക്കെതിരെ പ്രവർത്തിക്കുകയാണെന്നും ആ ശക്തിക്കെതിരെ പോരാടുകയാണെന്നും ആണ് രാഹുൽ ഗാന്ധി പറഞ്ഞത്.
