തെന്നിന്ത്യൻ സൂപ്പർ താരം സൂര്യയുടെ വൻ ഹിറ്റായ സിനിമയായിരുന്നു വാരണം ആയിരം . തമിഴകം മാത്രമല്ല, മലയാള സിനിമാ ലോകവും ആഘോഷിച്ച ചിത്രമാണ് 2008 ൽ പുറത്തിറങ്ങിയ ഗൗതം വാസുദേവ മേനോന്റെ ഈ സിനിമ. എന്നാൽ ഇപ്പോൾ ആരാധകരെ ഞെട്ടിക്കുന്ന വെളിപ്പെടുത്തലുമായി വന്നിരിക്കുയാണ് സിനിമയുടെ സംവിധായകൻ ഗൗതം വാസുദേവ മേനോൻ.
സൂര്യ ഡബിൾ റോളിൽ എത്തിയ ചിത്രത്തിൽ താരത്തിന്റെ അച്ഛനായി തിരഞ്ഞെടുത്തിരുന്നത് മോഹലാലിനെ ആയിരുന്നുവത്രെ. എന്നാൽ സൂര്യ തന്നെ ചെയ്യാം എന്ന് പറയുകയായിരുന്നു എന്നാണ് സംവിധായകൻ പറയുന്നത്. ഡ്യൂയൽ റോൾ ഒരാൾ ചെയ്യുന്നത് തനിക്ക് താൽപര്യം ഉണ്ടായിരുന്നില്ല. ജനങ്ങൾക്ക് അത് വിശ്വസിനീയമല്ല എന്ന തോന്നലുകൾ ഉള്ളത് കൊണ്ട് സിനിമയിൽ ഇരട്ട വേഷങ്ങൾ ചെയ്യുന്നതിനെ പ്രോത്സാഹിപ്പിക്കാറില്ല . സൂര്യ തന്നെ കൺവീൻസ് ചെയ്യുകയായിരുന്നു എന്ന് അദ്ദേഹം വ്യക്തമാക്കി.
സൂര്യ ഡബിൾ റോളിൽ എത്തിയ സിനിമ വൻ ഹിറ്റായിരുന്നു. സിനിമ പ്രേക്ഷകർ ഇരുകൈയും നീട്ടിയാണ് സ്വീകരിച്ചത്. ഇപ്പോഴും ആ സിനിമയെ കുറിച്ച് വൻ മതിപ്പാണ് ജനങ്ങൾക്ക് എന്നും അദ്ദേഹം പറഞ്ഞു. സിമ്രൻ, സെമീറ റെഡ്ഡി, രമ്യ സ്പന്ദന തുടങ്ങിയ നായികമാരും ശക്തമായ കഥാപാത്രങ്ങളാണ് ചിത്രത്തിൽ അവതരിപ്പിച്ചിരുന്നത്.
Discussion about this post