തിരുവനന്തപുരം : സംസ്ഥാനത്ത് സ്വർണ്ണവിലയിൽ ഒറ്റ മാസം കൊണ്ട് ഉണ്ടായത് പവന് 3,120 രൂപയുടെ വർദ്ധന. നിലവിൽ ഗ്രാമിന് 6,225 രൂപയാണ് വിപണി വില. പവന് 49,000 രൂപയിൽ എത്തി നിൽക്കുകയാണ് നിലവിൽ സ്വർണ്ണവില.
മാർച്ച് മാസം തുടക്കത്തിൽ ഒരു പവന് 46,320 രൂപയായിരുന്നു സ്വർണ്ണവില ഉണ്ടായിരുന്നത്. എന്നാൽ അമേരിക്കൻ ഫെഡറൽ റിസർവ് ഈ വർഷം മൂന്ന് തവണ പലിശ നിരക്ക് കുറച്ചേക്കും എന്ന വാർത്തകൾ പുറത്ത് വന്നതിന് പിന്നാലെ സ്വർണ്ണവില കുതിച്ചുയരുകയായിരുന്നു. മാർച്ച് 21നാണ് സ്വർണ്ണവില സർവ്വകാല റെക്കോർഡിൽ എത്തിച്ചേർന്നത്.
നിലവിൽ 49,440 രൂപയാണ് ഒരു പവൻ സ്വർണത്തിന്റെ വില. അമേരിക്കൻ ഫെഡറൽ റിസർവ് പലിശ നിരക്കിൽ വരുന്ന മാറ്റങ്ങൾ അനുസരിച്ച് സ്വർണ്ണവില ഇനിയും കൂടിയേക്കാനാണ് സാധ്യത എന്നാണ് വിദഗ്ധർ വിലയിരുത്തുന്നത്.
Discussion about this post