നാഗ്പൂർ: 2025 ൽ രാഷ്ട്രീയ സ്വയം സേവക് സംഘത്തിന്റെ നൂറാം വാർഷികം ആഘോഷിക്കുന്ന വേളയിൽ , സമൂഹത്തെ 5 തലത്തിൽ പരിവർത്തനം ചെയ്യാനുള്ള ശ്രമങ്ങൾക്ക് തുടക്കം കുറിക്കുമെന്ന് വ്യക്തമാക്കി രാഷ്ട്രീയ സ്വയം സേവക് സംഘ് സർ കാര്യവാഹക് ദത്താത്രേയ ഹൊസബാളെ.
ഓർഗനൈസറിനും അതിൻ്റെ സഹോദര പ്രസിദ്ധീകരണമായ പാഞ്ചജന്യയ്ക്കും നൽകിയ അഭിമുഖത്തിലാണ് സമൂഹത്തെ പരിവർത്തനം ചെയ്യാനുള്ള 5 തത്വങ്ങൾ ഹൊസബാളെ വ്യക്തമാക്കിയത് അവ, ‘സമരസ്ത’ അഥവാ സാഹോദര്യത്തോടുകൂടിയ സമത്വം, പരിസ്ഥിതി സൗഹൃദ ജീവിതശൈലി, ഭാരതീയ കുടുംബ മൂല്യങ്ങൾ പുനരുജ്ജീവിപ്പിക്കുക, ജീവിതത്തിൻ്റെ എല്ലാ മേഖലകളിലും “ഭാരതീയ” മൂല്യങ്ങളിൽ അധിഷ്ഠിതമായ ‘സ്വ’ (സ്വയം) ബോധം വളർത്തുക, പൗരധർമ്മങ്ങൾ പാലിക്കുന്നതിനുള്ള സാമൂഹിക ഉണർവ് ഉണ്ടാക്കുക എന്നിവയാണ്.
കൂടാതെ “ശതാബ്ദി വർഷത്തിൻ്റെ പശ്ചാത്തലത്തിൽ, സംഘടനാപരമായ വീക്ഷണകോണിൽ നിന്ന് രണ്ട് ലക്ഷ്യങ്ങളും മുന്നോട്ട് വയ്ക്കുന്നതായി അദ്ദേഹം പറഞ്ഞു, ശാഖകളുടെ എണ്ണം വർദ്ധിപ്പിക്കുക, പ്രവർത്തനങ്ങളിലെ ഗുണപരമായ പുരോഗതി എന്നിവയാണവ അദ്ദേഹം പറഞ്ഞു .
“ഇന്ന്, (മോദി അധികാരത്തിലിരിക്കുന്ന കാലഘട്ടം) ദേശീയ ചിന്തകളുടെ വ്യാപനത്തിന് ഏറ്റവും അനുകൂലമായ സമയമാണ് , എന്നിരുന്നാലും, ഈ അനുകൂലത വെറുതെ ഇരിക്കാനും നല്ല സമയം ആസ്വദിക്കാനും ഉള്ളതല്ല. പരിശ്രമങ്ങളുടെ ഏറ്റവും ഉന്നതിയിലെത്താനുള്ള സമയമാണിത്” സർ കാര്യവാഹക് വ്യക്തമാക്കി.
എല്ലാ ആർഎസ്എസ് അംഗങ്ങൾക്കും ഈ പൊതുലക്ഷ്യം മനസ്സിൽ ഉണ്ടാകുമെന്നാണ് പ്രതീക്ഷിക്കുന്നതെന്ന് ഹൊസബാളെ പറഞ്ഞു. നമ്മുടെ പ്രവൃത്തിയുടെ ഗുണനിലവാരം ഉയരുന്നതിനോടൊപ്പം നാം സമൂഹത്തിൽ ചെലുത്തുന്ന സ്വാധീനവും അതോടൊപ്പം വർദ്ധിക്കും. അദ്ദേഹം പറഞ്ഞു
Discussion about this post