ലക്‌നൗ: ഭാരതരത്ന പുരസ്‌കാരം ലഭിച്ച മുതിർന്ന ബിജെപി നേതാവ് എൽ കെ. അദ്വാനിയെ അഭിനന്ദിച്ച് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. ഭാരതത്തിന്റെ പുരോഗതിക്കായി എൽ കെ അദ്വാനി നൽകിയ സംഭാവനകൾക്കുള്ള അംഗീകാരമാണ് അദ്ദേഹത്തിന് ലഭിച്ചതെന്ന് യോഗി ആദിത്യനാഥ് എക്‌സിൽ കുറിച്ചു.
ബിജെപി കുടുംബത്തിലെ മുതിർന്ന അംഗവും ഞങ്ങളുടെ എല്ലാവരുടെയും വഴികാട്ടിയുമായ എൽ കെ. അദ്വാനിക്ക് ഭാരതരത്ന പുരസ്‌കാരം ലഭിച്ചതിൽ വളരെ സന്തോഷം. ഇന്ത്യയുടെ വികസനത്തിൽ മുൻ കേന്ദ്രമന്ത്രിയുടെ സംഭവാനകൾ എടുത്തുപറയേണ്ടതാണ്. ഭാരതം കണ്ടതിൽ വച്ച് ഏറ്റവും ആദരണീയനായ രാഷ്ട്രതന്ത്രജ്ഞരിൽ ഒരാളാണ് അദ്ദേഹം എന്നും യോഗി പറഞ്ഞു.
അദ്വാനിയുടെ ആരോഗ്യസ്ഥിതി കണക്കിലെടുത്ത് രാഷ്ട്രപതി ദ്രൗപതി മുർമു അദ്ദേഹത്തിന്റെ വീട്ടിൽ ചെന്നാണ് പുരസ്‌കാരം സമ്മാനിച്ചത്. പ്രധാനമന്ത്രി നരേന്ദ്ര മോദി ഉപരാഷ്ട്രപതി ജഗ്ദീപ് ധൻഖർ, പ്രതിരോധ മന്ത്രി രാജ്നാഥ് സിംഗ്, ആഭ്യന്തര മന്ത്രി അമിത് ഷാ, അദ്വാനിയുടെ കുടുംബാംഗങ്ങൾ എന്നിവരും ചടങ്ങിൽ പങ്കെടുത്തു.
കഴിഞ്ഞ ദിവസം നാല് പേർക്ക് മരണാനന്തര ബഹുമതിയായി ഭാരതര്തനം നൽകി ആദരിച്ചിരുന്നു. മുൻ പ്രധാനമന്ത്രിമാരായ ചൗധരി ചരൺ സിംഗ്, പിവി നരസിംഹ റാവു ബിഹാർ മുൻ മുഖ്യമന്ത്രി കർപ്പൂരി ഠാക്കൂർ എം.എസ് സ്വാമിനാഥ് എന്നിവർക്കാണ് പുരസ്‌കാരം നൽകിയത്.
Discussion about this post