തിരുവനന്തപുരം : കേരളത്തിൽ ഏപ്രിൽ 15 വരെ ഇടിമിന്നലിനും ഒറ്റപ്പെട്ട മഴയ്ക്കും സാധ്യതയുള്ളതായി കാലാവസ്ഥ വകുപ്പിന്റെ മുന്നറിയിപ്പ്. വേനൽ മഴയോടൊപ്പം വരുന്ന ഇടിമിന്നൽ അപകടകാരി ആയതിനാൽ ജാഗ്രത പാലിക്കണമെന്നും നിർദ്ദേശമുണ്ട്. ഏപ്രിൽ 11 മുതൽ 15 വരെയുള്ള ദിവസങ്ങളിൽ ഇടിമിന്നലിനെതിരായ മുൻകരുതലുകൾ സ്വീകരിക്കണമെന്നാണ് നിർദ്ദേശം.
അടുത്ത രണ്ട് ദിവസം കേരളത്തിൽ വ്യാപക മഴയ്ക്ക് സാധ്യതയുള്ളതാണ് കാലാവസ്ഥ വകുപ്പ് നേരത്തെ മുന്നറിയിപ്പ് നൽകിയിരുന്നത്. 14 ജില്ലകളിലും മഴയ്ക്ക് സാധ്യതയുണ്ട് എന്നാണ് റിപ്പോർട്ട്. അതേസമയം ഉയർന്ന താപനില മുന്നറിയിപ്പും നിലനിൽക്കുന്നുണ്ട്. ഏപ്രിൽ 15 വരെ ഉയർന്ന താപനില ഉണ്ടായിരിക്കും എന്നാണ് സൂചിപ്പിക്കുന്നത്.
ഏപ്രിൽ 14ന് ആലപ്പുഴ, കോട്ടയം, എറണാകുളം, തൃശ്ശൂർ, കോഴിക്കോട്, വയനാട് ജില്ലകളിൽ മഴയ്ക്ക് സാധ്യതയുള്ളയാണ് കാലാവസ്ഥ വകുപ്പ് അറിയിക്കുന്നത്. ഏപ്രിൽ 15ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂർ, കോഴിക്കോട് ജില്ലകളിലും മഴയ്ക്ക് സാധ്യതയുള്ളതായി കാലാവസ്ഥ വകുപ്പ് അറിയിക്കുന്നു.
Discussion about this post