ആലപ്പുഴ : കോൺഗ്രസ് നേതാവും ആലപ്പുഴ ലോക്സഭാ മണ്ഡലത്തിലെ യുഡിഎഫ് സ്ഥാനാർത്ഥിയുമായ കെ സി വേണുഗോപാലിനെതിരെ രൂക്ഷ വിമർശനവുമായി എൽഡിഎഫ് സ്ഥാനാർത്ഥി എം എം ആരിഫ്. കെ സി വേണുഗോപാലാണ് കോൺഗ്രസ് നേതാവ് രാഹുൽ ഗാന്ധിയെ വിഡ്ഢി വേഷം കെട്ടിക്കുന്നത് എന്ന് ആരിഫ് കുറ്റപ്പെടുത്തി. എല്ലാ അധികാരവും ജനറൽ സെക്രട്ടറിയിലേക്ക് കേന്ദ്രീകരിക്കുന്നതിന് വേണ്ടിയാണ് കെ സി വേണുഗോപാൽ രാഹുൽ ഗാന്ധിയെ കോമാളിയാക്കി മാറ്റുന്നതെന്നും എംഎം ആരിഫ് വിമർശിച്ചു.
രാഹുൽ ഗാന്ധിയുടെ ഇമേജ് കളയിക്കുന്നതിൽ പ്രധാന പങ്കുവഹിക്കുന്നത് കെസി വേണുഗോപാലാണ്. ദയവുചെയ്ത് രാഹുലിനെ മോശക്കാരൻ ആക്കരുത്. രാഹുലും പ്രിയങ്കയും ഒരുമിച്ച് വന്നാൽ പോലും ആലപ്പുഴയിൽ ഒരു ചുക്കും സംഭവിക്കില്ല. അക്കാര്യം കഴിഞ്ഞ നിയമസഭാ തിരഞ്ഞെടുപ്പിൽ കായംകുളത്ത് കണ്ടിരുന്നതാണ്. രാഹുലും പ്രിയങ്കയും കൂടി അരിത ബാബുവിന്റെ വീട്ടിലെത്തിയിട്ടും ഒടുവിൽ അരിത തോറ്റില്ലേ? എന്നും എം എം ആരിഫ് കുറ്റപ്പെടുത്തി.
Discussion about this post